لقاء كارثي

مسك ايمي و خرجوا كلهم بهدوء

حط عشري دراعه وراء ضهرها و كفه التاني كان ماسك كفها

و وليد كان ماسك كفها التاني و هي ماشيه بهدوء بس حاسه انها مسندوه بجد

وليد….ليله اشيلك يا قلبي لو مش قادره تمشي

ابتسمت تاني و هزت راسها بهدوء

وليد…. بابتسامه جميله ايه يابت بتبتسمي ليه كبرتي علي الشيل ولا ايه ما ياما شيلتك علي كتفي

ليله….انت اللي كبرت

وليد…. وحياة امك انا لسه شباب تحبي تشوفي

ليله….بابتسامه ضعيفه لا مصدقاك

ابتسم عشري ابتسامه حزينه وهو بيسمعهم و فضلوا مكملين

الشباب و البنات كانوا ماشيين قدامهم و كل شويه البنات يبصوا علي ليله

لحد ما خرجوا بره خالص عند العربيات

رن عدي علي وليد

وليد…ايه يا حبيبي فينك

عدي…انا في الطريق جاي عليكم

وليد…لا استني احنا خارجين من المستشفي حالا اهو

عدي …هتمشوا يعني

وليد…اه الدكتور كتب لليله علي خروج

عدي….طيب اقابلهم يعني ولا اعمل ايه

وليد…..عشري عدي بيسأل يقابلنا ولا يعمل ايه عشان جاي في الطريق يروح هو

عشري….لا خليه يجي عشان يروح مع سليم في الطريق ميسيبهوش لوحده

وليد…..بيقولك تعالي عشان تروح مع سليم

عدي…..طيب اجي فين برضوا

وليد….عالتجمع يا عشري صح

عشري…اه

وليد…تعالي عالتجمع علي شقه ليله

عدي….طيب تمام

وليد….بقولك

عدي….قول

وليد…وصلتهم

عدي….اه خدت ديچا و كنزي و روحتهم عالبيت متقلقش

وليد….ماشي يا حبيبي يلا علي مهلك

عدي….تمام لو احتاجتوا حاجه كلمني

وليد…..ماشي يا حبيبي يلا سلام

وقفوا كلهم عند العربيات و بصوا عليهم لحد ما قربوا منهم

نعيمه كانت واقفه باصه علي عربيه ليله و شايفه الخبطه اللي فيها و حزن الدنيا في عينها

حسان…..عشري ليله طبعا هتركب معاك عربيه ليله هتفضل هنا ولا في حد منكم مش معاه عربيه

عشري…..انتوا جايبن كلكم بعربياتكم

فضل….انا عربيتي مش معايا من امبارح كنت راكب مع سليم هركبها انا

سليم…..مد ايده بالمفتاح لفضل امسك يا فضل اركب انت ونعيمه عربيتي وانا هجيب عربيه ليله

فضل…..طيب هتعرف تتعامل

سليم…بهمس يلا اه متقلقش نعيمه مش هتقدر تركب عربيه ليله انت شايف بصالها ازاي

فضل….ماشي يا حبيبي علي مهلك بس وخليك وسطنا

سليم….ربنا يستر يلا

ظبط عشري الكرسي لليله و حطلها الحزام و رجعه لوراء شويه