لقاء كارثي

كان في همسات كلام من الشباب جزء فيهم بيطمن علي جزء و كانهم بيريحوا بعض

وقت بسيط و وصل عدي مصطفي قام فتح الباب دخل عدي بهدوء وكان معاه شنط في ايده

وليد…تعالي يا عدي

عدي….سلام عليكم

الجميع….عليكم السلام

عدي…..بص لسلمي كانت اقرب حد ليه ااا سلمي معلش خدي مني الشنط دي

سلمي…..ايه ده

عدي….ااا يعني شويه حجات عصاير مايه جبن فاكهه وشاي سكر حجات زي كده يعني انا بصراحه مش عارف اصلا كنت بجيب ايه بس عارف ان البيت اكيد كان فاضي يعني بس لو في حاجه معينه عايزينها قولولي وهنزل بسرعه اجيب

سلمي….بابتسامه تسلم ايدك يا عدي تعبت نفسك ليه بس

عدي….لا مفيش تعب والله دي حاجه بسيطه شوفوا بس لو محتاجين حاجه وانا اروح اجيبها

سلمي…. لا تعالي ارتاح انا هبقي اشوف كده و هنطلب من الماركت

حسان….بابتسامه تسلم ايدك يا حبيبي تعالي

كان في نظره رضا باينه علي ملامح عشري و وليد من تصرف عدي

سلمي…..نادين ممكن تيجي معايا لحظه

نادين….حاضر

قامت نادين وراحت مع سلمي فضت الشنط كان جايب عصاير ازايز مايه فاكهه جبن شاي سكر نسكافيه قهوه و عيش و فينو و مناديل و شويه حجات للبيت

سلمي….ايه كل ده بس جايب حجات كتير اوي بقولك ايه اسأليهم لو حد حابب يشرب حاجه

نادين….هيقولوا قهوه او شاي اكيد وحرام هما مش كلوا حاجه استني لما ياكلوا

سلمي….طيب خدي حطي مايه و مناديل بره

نادين….طيب هاتي

خرجت نادين حطت المايه و حطت مناديل

و خرجت بعدها سلمي حطت عصير

سلمي….اااا عدي بجد ميرسي اوي و الله تعبت نفسك كتير اوي

عدي…..ااا متقوليش كده مفيش حاجه كتير انا معملتش حاجه

سلمي…ميرسي ااا عدي جاي شاي وقهوه و نسكافيه يعني شوبه كده و هعملكم بس لما تبقوا تاكلوا ماشي

عشري…..ااا معلش يا سلمي لو مش هتعبك ممكن بس فنجان قهوه

سلمي….عيوني بس معلش كل حاجه الاول

حسان….لما تاكل يا عشري ابقي اشرب

سكت عشري و ثواني بالظبط و سمعوا الباب بيخبط

رشيد…اهو الشباب اكيد وصلوا

قام مصطفي فتح الباب

تامر…..مصطفي هات مع حودا معلش الحاجه في الاسانسير

خرج بسرعه محمود كان ماسك الاسانسير برجله

مصطفي…..ايه يا حودا

محمود…..خد يا مصطفي والنبي الشنط دي كده

مصطفي…هات علي مهلك

خرج معاه شنط كتير اوي

دخل تامر قبلهم سلمي و نادين كانوا واقفين