لقاء كارثي

ايه…..مكانش لازم تسمع كلامك يا ليله احنا لو مكانها مكناش هنسمع كلامك

ليله …وعشان كده انا فضلت معرفش اي واحده فيكم لانها كانت هتعرف الكل انا حفظاكم انما هي قدرت اقنعها و يمكن اقناعها كان صعب بس عرفت مكانش قدامي اي حل تاني لو كنتوا مكاني لحظه واحده بس كنتوا هتفهموا انا شوفتكم بتقعوا قدامي واحده وراء التانيه كنت بموت مكانش عندي استعداد ازود الحزن و الهم اكتر من كده نعيمه حاسه بالذنب لمجرد ان هي قالت تسفر اعلها و شايفه انها لو مكانتش عملت كده كانوا هيبقوا بخير كنتوا عايزني احسسها بالذنب اكتر و مهما كنت هقنعها ان ده قضاء وقدر هي مش في وعيها الكافي انها تدرك ده وايمي بالذات لو كانت عرفت وقتها بعد اللحظه اللي عرفنا فيها الخبر والله العظيم كان جرالها حاجه و اتوهمت وخافت كان لازم اسكت مكانش حد فيكم بخير كلكم كنتوا واقعين مني عشري نفسه كان جاي و هو مش قادر يقف علي رجله مكنتش هقدر اوجعه اكتر من كده

مكانش قدامي حل غير اني اقف جنبكم لو كنت وقعت معاكم محدش فينا كان هيبقي قادر يسند التاني و انا كنت صح علي فكره حاولت اقف جنبكم و لما جه دوري اني اقع لاقيتكم جنبي و قادرين تسندوني

ايمي….حتي لو اقنعتيها برضوا مكانش ينفع تسكت وهي شيفاكي قدامها بتتعبي اكتر

عشري…..ايمي معاها لو سكتت في الاول واقتنعت بكلامك مكانش ينفع تفضل ساكته و هي شيفاكي بتتعبي اكتر و بتنزفي

ليله….ايمي عشري انا عارفه انكم خايفين عليا و مضايقين بس بلاش تظلموها و رحمه امي انا اخر ما تعبت منها بقيت اخبي عليها وجعي هي كمان كنت بتعامل عادي عشان اقنعها اني بخير و متقلقش

ايمي….انا بجد مش قادره اصدق انتي ازاي مقتنعه كده انك صح ؟
كملت بحزن ليله انتي عارفه اكتر واحده انا مريت بأيه عشان الحمل ده عارفه ازاي تعبت عشان متحرمش من النعمه دي انتي متخيله يا غبيه انك كان ممكن بسبب النزيف ده تتحرمي من الخلفه طيب خوفتي علينا و شوفتي انه مش وقته و مفرقش معاكي الوجع و التعب و النزيف و زي ما بتقوي خلاص كده كده اجهضت يطب مخوفتيش سكوتك ده يخلي كل ثانيه تعدي عليكي تبقي خطر تبقي حرمان مخوفتيش ان من توابع قرارك يا غبييييه

ليله…مفكرتش يا ايمي مفكرتش كان نفسي بس اصحي من الكابوس اللي كلنا نفسنا نصحي منه كنت مصدومه يا ايمي الوقت اللي اتاكدت فيه من حملي كنت بودعه مكانش في كلام يتقال والله العظيم