لقاء كارثي

نادين…طيب قال انها كويسه ؟

ليله….بخنقه كويسه يا نادين كويسه فين الهدوم ؟

سلمي…اهي معايا يلا تعالي انا هدخل معاكي

ليله….خليكي انا كويسه يا سلمي

عشري….بحزم ادخلي معاها يا سلمي انتي ونادين متسيبوهاش لوحدها عشان متدوخش

سلمي….يلا يا لولي تعالي

بصت ليله بقلة حيله و دخلت مع سلمي و نادين.

ايه….بهدوء ايمي عشري براحه عليها شويه

ايمي….مفيش براحه مع ليله يا ايه لو متعاملناش معاها كده مش هتعمل اي حاجه في مصلحتها

عشري…. ايمي معاها حق ليله اوقات كتير حتي لو عارفه مصلحتها مش بتفكر فيها اصلا

ايه….عارفه والله بس هي تعبانه وصعبانه عليا و اكيد مضايقه من اللي حصل

حنان…..هما خايفين عليها يا ايه و زي ما ايمي قالت حتي لو مش كويسه هتقول كويسه انا لاحظت ده في ليله و اكيد مش هتزعل منهم هي عارفه انهم خايفين عليها

ايه…اكيد طبعا هي عارفه وانا عارفه انهم خايفين عليها بس انا مش عيزاها تضايق بس

ايمي…تضايق وتخبط راسها في اتخن حيطه كانت هتموت نفسها عشان خاطرنا يبقي اقل واجب بعد ما عرفنا اللي حصل اننا نهتم بيها بطريقه صح ليله بتتحرك وهي مش قادره تمشي اصلا بس لسه بتقاوح وبتقول انها كويسه

اتنهد عشري تنهيده طويله بحزن وخنقه

عشري….الله غالب

ايمي…خلصت كل حاجه يا عشري

عشري….اه كله تمام رشيد و فضل مع نعيمه بيطمنوا علي اخواتها وجايين

ايمي…اه نعيمه مش قادره تمشي وتسيبهم ودوها تشوفهم عشان ترضي تروح

عشري….بحزن حقها الله يكون في عونها يارب

ايمي…يارب

…………….

في الرعايه وقفت نعيمه تبص علي اخواتها وهي سانده أيدها عالزجاج و دموعها نازله سليم كان واقف جنبها عينه كلها دموع وحمرااااء بس ماسك نافسه وحابس دموعه في عينه وفضل ورشيد واقفين جنبهم رشيد مان اول مره يشوفهم كان باين عليه التأثر جدا

نعيمه….بدموع بصت لفضل ورشيد هيبقوا كويسين صح ؟

فضل…..والله هيبقوا زي الفل يا قلبي

رشيد….متخافيش يا نعيمه ربنا كريم هيقوموا بالسلامه و نطمن عليهم وان شاء الله مش هيطولوا هنا

نعيمه….يارب و النبي يارب خرجهم منها علي خير بصتلهم تاني وهي بتعيط هسيبهم وامشي ازاي مش قادره والله

فضل….وغلاوتك عندي الصبح هجيبك تشوفيهم و تطمني عليهم وان شاء الله بكره يبقوا اتحسنوا اكتر كمان انتي سمعتي الدكتور الوقت قالك انهم بخير و يعتبر عدوا ساعات الخطر من امبارح و كل مؤشراتهم طبيعيه وفي تحسن ملحوظ