لقاء كارثي

حنان….بهدوء بعد الشر عليها و عليكم ربنا يديكم الصحه و يخليكم لبعض يا حبايبي و يفرح قلوبكم ويبعد عنكم الحزن

ليله….بهدوء يارب

خبط الباب و دخل مصطفي مع الدكتور

مصطفي…..ااا الدكتور جاي ورايا ها

ايمي…ماشي يا مصطفي خليه يجي

ثواني بالظبط ودخل الدكتور

مصطفي…اتفضل يا دكتور انا بره ها

حنان….طيب يا حبيبي

خرج بره و خرجت ريهام في الاستراحه بتاعت الجناح

الدكتور…..حمد الله عالسلامه

ليله….الله يسلمك يا دكتور

الدكتور…ايه اخبارنا الوقت ؟

ليله….انا بخير يا دكتور بس عايزه امشي

الدكتور…بابتسامه ايه زهقتي مننا ولا ايه

ليله….لا خالص

ركب الدكتور في ايدها جهاز الضغط

حنان…..بهمس انا بره يا ايمي ماشي

ايمي….خليكي معانا

هزت راسها و وقفت علي جنب

ايمي….دكتور لو الافضل ليها انها تستني متسمعش كلامها هي لو تعبانه مش هتقول يعني لو حضرتك شايف انها محتاجه تفضل متاخدش رأيها

الدكتور…. بابتسامه لا متقلقيش هي بخير بس واضح انها عنيده مش كده يا ليله

ليله….بهدوء خالص بس انا مش بحب جو المستشفي

الدكتور….اممم الضغط الحمد لله كويس النبض كمان هايل هنشوف بس درجه الحراره

قاس درجه الحراره و بعد كده طلب منها تنام عالسرير و تفرد نفسها كان عايز يشوف كميه النزيف الموجوده طبيعيه و لا زياده و بعدين ضغط علي بطنها عشان يتأكد ان الرحم بينقبض بشكل طبيعي و مفيش اي الم في البطن و بعدين بصلها بهدوء

الدكتور…هايل جدا النزيف وقف و كل حاجه تقريباً كويسه عايزك بس تقوليلي حاسه بأي حاجه يعني دوخه غثيان صداع

ليله…اااا

ايمي…قاطعتها قولي اللي حاسه بيه بعد اذنك..

ليله….مفيش والله يعني دوخه بسيطه اوي و يعني حاسه ان دماغي تقيله شويه

الدكتور….طيب الدوخه الزغلله الصداع كل دي اعراض طبيعيه لانك نزفتي كتير مع تاثير البنج بس تقدري تقومي تققي يعني تعرفي تمشي ولا حاسه انه صعب؟

ليله….ااا لا عادي هقوم

الدكتور…طيب قبل ما تقومي الزغلله اللي عندك دي حاجبه الرؤيه خالص ؟ ولا قادره تفسري الحاجه حواليكي؟

ليله….لا شيفاكم كويس هي زغلله بسيطه جدا

الدكتور…طيب يلا قومي كده و حاولي تتحركي بس متقوميش بسرعه يعني نزلي رجلك الاولي و واحده واحده

حنان….بهدوء تعالي يا حبيبتي براحه قومي

قربت منها ايه كمان و قوموها بهدوء نزلت رجليها في الوقت ده جه عشري و سلامه فضل سلامه بره مع مصطفي و ريهام و دخل عشري كانت هي بتقوم