لقاء كارثي

فضل….متقلقيش والله يا نوني هنكلمهم انا واخد اكتر من رقم يعني مظبط الدنيا و بعدين يا ستي بكره كمان هنعدي عليهم قبل العزاء

نعيمه…..طيب حتي ابات في العربيه لو مش هينفع افضل معاهم

فضل….يا قلبي انتي محتاجه ترتاحي

حنان….نعيمه يا قلبي انا حاسه بيكي والله بس احمدي ربنا وقت الخطر عدي الحمد لله و ربنا لطف بيهم و كل شويه الشباب بيسالوا عنهم وبعدين احنا موجودين في المستشفي يعني لو في حاجه كانوا بلغونا قعدتك هنا يا ماما لو هتعمل حاجه ليهم هنقول ماشي بس مفيش حاجه في ايدك

ايه….بحزن نوني بصي روحي ارتاحي خدي شاور غيري هدومك و بكره الصبح نيجي نشوفهم قبل العزاء زي ما فضل قال و بعدين احنا علي بال ما نروح هتبقي الساعه داخله علي 12 يعني كلها كام ساعه بس

نعيمه….بدموع قلبي واجعني والله اروح ازاي يا ناس وهما لوحدهم كده علي الاقل يحسوا ان في حد معاهم خايفه اروح يجارلهم حاجه

ايمي….بعد الشر مش هيحصلهم حاجه والله

ريهام….. والله هيبقوا بخير و بعدين لازم ترتاحي عشان تقدري تروحي وتيجي عليهم كده مش هتقدري تقفي علي رجلك يا نعيمه

رشيد…..طيب بصي ايه رايك تطمني عليهم الوقت مره تاني بنفسك عشان تبقي مرتاحه

نعيمه….بدموع اه والنبي خلوني اشوفهم

رشيد….طيب قومي تعالي يلا معايا انا وفضل نروح نطلب منهم بره انك تدخلي تشوفيهم قبل ما نمشي

فضل….ماشي يلا يا قلبي تعالي بس مش عايز عياط

نعيمه….ماشي مش هعيط والله

رشيد….ايمي هنروح نحاول ندخلها كده وهنرجعلكم تاني

هزت ايمي راسها وقامت نعيمه معاهم و خرجوا

حنان….ربنا يهون علي قلبك يا بنتي و يقوم اخواتك بالسلامه يارب

ريهام…يارب

ايه…..بدموع نعيمه مش هترتاح شويه الا لو بجد فاقوا و بقوا بخير

حنان….ربنا كريم يا ايه ان شاء الله مش هتشوف فيهم حاجه وحشه و يطمن قلبها عليهم و يبرد نار قلبها و يرحم ابوها وامها يارب

ايه…يارب يارب قربت من ليله و بصتلها انتي كويسه موجوعه

ليله… بابتسامه هاديه لا يا قلبي انا بخير انتي عامله ايه الوقت

بصتلها ايه و عيطت زي الاطفال

ايه….انا كنت خايفه عليكي اوي

ليله…بطلي عياط انا كويسه والله

بصتلها ايمي بنظره عتاب بسيطه وقامت وقفت

ايمي….متقلقيش عليها لو هتموت هتقولك بخير

بصتلها ليله وسكتت لانها عارفه لو اتكلمت معاها ابمي مش هتسمي عليها و مكانتش قادره اصلا تتكلم فا سكتت