لقاء كارثي
لقاء كارثي
عشري….طيب ايمي ما تكلمي الدكتوره بتاعتك افضل
ايمي….والله كويسه متخافوش لو في حاجه هقول
حنان…..هي كل ما الشهور تعدي بيها بيحصل كده و بعدين ماشاء الله عشان هما توام فا طبيعي يضغطوا علي الحوض عندها افردي بس رجلك و ارتاحي يا حبيبتي
قربت نادين منها
نادين…..اقلعك الشوز
ايمي…..اه يا نادين معلش مش قادره اوطي والله
نادين….طيب طيب نزلت علي ركبها قلعتها بهدوء رجلك وارمن يا ايمي ليه كده
ايمي…من الوقفه بس متقلقيش اااه
ثواني و بدأ الكل يطلع في الاسانسير و بعدين طلع سليم و سلامه و مصطفي بالشنط
سلامه….بقولكم ايه بسرعه كده حطوا الشنط علي جنب من غير ما نعيمه تلاحظ
مصطفي…ماشي ماشي
سلامه…استنوا لحظه
وقف علي الباب كان مفتوح
سلامه…ايه ايه
قربت ايه منن وهي مش قادره
ايه…نعم
سلامه….نادي ريهام و بسرعه كده خليها تسحب الشنط دي علي اي اوضه عشان نعيمه متضابقش لو شافت شنط امها وابوها واخواتها
ايه….طيب تعالي تعالي ريهام تعالي
قربت ريهام و ميدو و سحبوا بسرعه معاهم الشنط و دخلوها علي الغرفه اللي بتنام فيها نادين حطوهم علي جنب.
عشري….مال علي ليله و باس راسها حبيبي انا هنزل شويه وراجع مش هتاخر
ليله….رايح فين؟
عشري…هجيب اكل لازم تاكلي و كلهم لازم ياكلوا مش هغيب والله محتاجه اي حاجه
ليله…سلامتك
طبطب علي راسها و رفع نفسه
عشري….ميدو تعالي معايا
عسال…..رايح فين ؟
عشري….هنزل اجيب اكل بسرعه
رشيد….خليك حودا جاي هو وتامر و جايبين اكل
سلامه…..اه كلمني انا كمان وقالي متروحش انت وميدو تجيبوا حاجه
عشري….جايب يعني عشاء
رشيد….اه هما وصلوهم و لما عرفوا اننا جايين عالتجمع كلنا راح هو وتامر يجيبوا اكل وزمانهم جايبن خليك ارتاح
هز عشري راسه وراح قعد قدام ليله مكانش في مكان
و هو كان باين عليه الارهاق بشكل مش طبيعي خالص هدومه لسه متبهدله بالدم و عينه حمراء بشكل مش طبيعي من قله النوم
باين علي ملامح الكل الشحوب كأنهم خسوا جدا يومين بس عملوا فيهم كده مع عدم نوم و وقفه و ارهاق وحزن شكلهم كان صعب اوي
طبعا كان في كلام بسيط ملهوش معني مجرد كلام بيتقال محدش مركز فيه و ديما الاوقات اللي بتبقي كلها حزن ممكن حد يقول اي حاجه او يتكلم في اي موضوع عشان بس يكسر حاله الصمت مش اكتر
