لقاء كارثي

حنان….طيب معلش يا دكتور مفيش في العلاج ده اي ڤيتامين يعوض النزيف اللي حصل

الدكتور…كاتبلها طبعا مجموعه كويسه جدا بس كمان لازم اكل و سوايل علي قد ما تقدر

عشري….شكرا يا دكتور بجد تعبناك معانا

الدكتور….ده شغلي المهم هي تبقي كويسه

ايمي….ااا معلش يا دكتور محتاجه اسال حضرتك سؤال بس

الدكتور…اكيد اتفضلي

ايمي…..بالنسبه للتدخين والقهوه غلط عليها صح بصت لليله بتحدي

الدكتور….ااا بصي انا طبعا لو المريض عندي مدخن او بيشرب قهوه بكميه مقدرش اقولوا وقف لانه مش هيوقف ولا هيسمع الكلام بس خليني اقول حاجه مهمه

التدخين من الأفضل الامتناع عنه خاصة في أول 24ساعة بعد العملية التدخين ممكن يأخر التئام الأنسجة ويزيد من خطر بعض المضاعفات يعني يزود الدوخة أو الغثيان بعد التخدير لكن لو هي مش هتقدر توقف تماماً فمن الأفضل على الأقل تقليله قدر الإمكان خلال الأيام الأولى.

بالنسبه للقهوة يعني يفضل منكترش منها لان الإفراط في الكافيين ممكن يزيد الخفقان أو الجفاف خاصة إذا فقدت دم فا من الأفضل شرب كمية كويسه من المايه و السوايل مع تقليل القهوة لفنجان صغير او اتنين بالكتير في اليوم بشكل عام خلال الأيام الأولى بعد العملية الافضل يعني نسيب التدخين والقهوه اول بوم او يومين علي الاقل و نركز علي شرب سوايل كافية
غذاء متوازن يعوض النزيف وطبعا
الراحة مع الالتزام بالأدوية
و نصيحتي ليكي ده اللي لازم يحصل لان بعد النزيف الشديد ده نسبة الهيموجلوبين انخفضت فا بقي في أنيميا فالتوقف عن التدخين وتقليل الكافيين اليومين دول مهم جدا

ايمي….سمعتي؟!

بصتلها ليله وسكتت خايفه تجادل معاها في اي حاجه

عشري…اطمن يا دكتور كل ده هيقف خالص

الدكتور …الف سلامه عليكي و حمدالله علي سلامتك

ليله…بهدوء ميرسي يا دكتور

الدكتور… العفو انا هروح اكتبلها علي خروج

عشري…اتفضل يا دكتور

خرج الدكتور و بصت ايمي لليله

ايمي…كان لازم تسمعي بنفسك و قدام عشري عشان دي هتبقي مسؤوليته جبتيه لنفسك من هنا ورايح هنتعامل معاكي زي العيله الصغيره عايزه رقيب علي تصرفاتك و تفكيرك

عشري…..بص لليله بهدوء اطمني يا ايمي لا في سجاير ولا قهوه

دخلت سلمي و نادين

سلمي…..ايه في حاجه ولا ايه؟

حنان….لا يا حبيبتي الدكتور كان بيتطمن عليها قبل ما يكتبلها خروج