لقاء كارثي
لقاء كارثي
عشري…..طيب اسمع انت ماشي امته اخر كلام
عسال….ما انا بقولك مش عارف هو المفروض امشي قبل الفجر بس لو نادين فاضيه هروحلها اخدها نتغدي بره و نقعد شويه من وقت ما جيت مفيش وقت خالص اشوفها و مش عايزها تزعل لو عرفت يبقي هرجعها وبعدين همشي مش قادره تصحي و هتفضل نايمه و هتتأخر يبقي هضطر استني لحد الفجر بقي
عشري …طيب اسمع اتصل عليها كده اقلقها و هي لو عرفت انك عايز تشوفها هتفوق و انا ممكن اسافر معاك
عسال…لا انت بتهرج تسافر فين
عشري….بجد والله يعني الساعه الوقت داخله خلاص علي تلاته هروح انام شويه و نسافر مثلا علي عشره هكون نمت شويه حلوين و فوقت اجيلك و نتمل علي الله مع بعض نخلص اللي وراك و اجيبك واجي
عسال….ياعم لا ليله هتزعل منك و بصراحه حقها حرام من وقت ما اتجوزتوا و هي متبسطش غير في السفريه بتاعتكم بعدها اتسحلت وهي لسه عروسه
عشري….ياعم ملكش دعوه بليله مش هتزعل انا عارفها
عسال…..بالله عليك يا عشر يهليك انا والله هظبط مع نادين و بعدها هطير انا
عشري….هو انت زنان ليه و بتناهد ليه كتير و سلامه بهت عليك ما تحط لسانك في بوئك بقي قولتلك هروح انام شويه و هقابلك
عسال… طب اسمع شوف الاول مع ليله لو حسيت انها هتزعل بلاش وانا اكيد الدنيا عادي انت عارف
عشري…..بضحك ياعم مش هتزعل قولنا انت فاكرها البيبي اللي معاك ولا ايه
عسال….بضحك اتلم يلااااا مالها البيبي اللي معايا
عشري….لا دي حبيبتي اطلع منها انت بس طفله في نفسها ليله هتعدي يعني متقلقش
عسال….قول واعترف انها زهقت منك
عشري….بضحك اه ياواطي تصدق انا غلطان اللي عايز اجي معاك زهقت من مين يا خـ…. علي راي سلامه
عسال….بضحك الله يحرق لسانك عالصبح طب بقولك ايه لو الدنيا تمام و هتيجي ايه رايك تخلي ليله تيجي تبات مع البنات يعني تبقي مع نعيمه ونادين واهو يقضوا اليومين دول سوا
عشري….اممم فكره بس يارب هي توافق علي الاقل لو نزلت الشغل من بكره هتبقي اقرب
عسال….هتوافق طبعا متخيل ان ليله هتقول لا علي بياتها مع البنات
عشري…..ماشي انا هروح كده اشوف الدنيا و هاكد عليك المعاد ولو كده ممكن ابقي انزل انا و ليله بعربيتها و هسيب عربيتي واقابلك انت هناك كده كده هتبقي مع نادين و هسافر معاك اشطا
عسال….اشطا جدا روح و اظبط دنيتك و كلمني و لما اخد منك الرد هتصل علي نادين بقي و اظبط معاها
