لقاء كارثي

تامر…بابتسامه طيب شوفي ايه اللي يريحك و اعمليه بس هتيجي تاني حتي لو مش هتباتي

نغم….اكيد اااا احممم اعملك حاجه تشربها

تامر….لا انا مش قادر هقوم اغير بس

نغم….اوك انت كمان لو احتاجت حاجه قولي

تامر….بايتسامه اكيد هقولك

ضحكت ضحكه جميله و اختفت بسرعه بتوتر اول ما احمد فتح الباب

احمد…انت جيت كنت فين

تامر….كنت بتمشي كده شويه و بجيب حاجه

احمد…طيب قولولي بقي هتاكلوا ايه عشان اقف اعمل

نغم….انت ترتاح انا هعمل

احمد…لا انا مبحبش اقعد تعالي نعمل سوا

نغم…طيب تمام

تامر …هقوم اغير واخد شاور كده و لو احتاجتوني انا معاكم

احمد….صحيح انت نازل شغلك امته

تامر….بكره ان شاء الله هودعكم بقي وارجع للتعب تاني

احمد…ربنا معاك يا حبيبي

بصتلوا نغم بهدوء و سكتت

………………..

وصل عشري تحت البيت و اتصل عليه وليد

عشري……ها يا وليد ايه يا حبيبي

وليد…ايه الاخبار روحتوا

عشري….انا لسه اهو بركن تخت البيت وصلت رشيد و ايمي و اتحركت

وليد….رشيد كويس اتصلت عليه بس مردش

عشري….رشيد اكيد نام هو وايمي لانهم فاصلين من التعب بس هو بخير متقلقش المهم طمني روحت للراجل ده

وليد…..اه روحت يا عشري و لسه ماشي من عنده و بكلمك عشان كده

عشري…طيب ايه الدنيا عايز ايه

وليد….بص انا مش عارف اتصرف و لا عارف ازاي هفاتح ليله في حوار زي ده و عايزك معايا

عشري….خير

وليد….الراجل كلمني و قالي ان البيت جايلوا قرار ازاله

عشري…..اووووووف ازاله مره واحده

وليد….اه والله العظيم

عشري….انا قولت هيقنعكم تبيعوا عشان هو يستنفع لما يأجر الشقه

وليد….لا قالي ازاله للبيت كله بيقولي البيت في شروخ كتير و ممكن يقع في اي لحظه و بدأ يبلغ السكان عشان يتصرفوا في اسرع وقت يعني يشوفوا مكان و يشيلوا حاجتهم كده يعني و طبعا قال انه هيعوض الكل و عشان كده كلمني عشان نقعد و نتفق و يدي ليله مبلغ

عشري…..طيب و حقيقي البيت متدمر كده

وليد….بص هو البيت قديم حقيقي بس مش عارف ليه انا مش مرتاح ليه هو فرحات ده اصلا مادي و مش مريح و متعب حاسس انه بيعمل كده عشان يهد البيت و يرجع يبنيه تاني و يطلعوا كله ايجار جديد هو وراني القرار مختوم بس مش عارف هو ممكن الحوار ده يبقي في لعب ولا لا

عشري…..عادي لو مظبط حد بيديه مبلغ و بياخد منه القرار يعني بيراضيه