لقاء كارثي

عشري….بضحك هو فوق مع وليد بس تعالي يلا متخافيش

ايمي….هيمشي والله يا عشري انا عارفه رشيد مجنون

عشري…يابت متخافيش قولتلك يمشي ايه هو دخول الحمام زي خروجه

ايمي….ياسيدي خليني هنا ولما يدخل رن عليا هطلع

عشري….بقولك اطلعييي تقعدي فين هنا لوحدك يلا متخافيش وداريلنا كتفك ده الله يباركلك

ايمي…..بضحك مش وقت بلطجه الله يباركلك كفايه عليا رشيد

عشري….بابتسامه لا متخافيش تعالي يلا

طلعت ايمي معاه علي فوق رشيد و وليد كانوا في الاوضه جوه

ايمي….بهمس بقولك ايه ادخل انت والله انا مرعوبه

عشري….بضحك طيب مبدأياً كده مش لايق عليكي

بصتلوا ايمي و ماتت من الضحك

عشري….اه والله سكه ودوغري خوف ورعب و الجو ده مش سكتك انتي والبلطجيه عشان انتوا الاتنين قادرين فا ادخلي و متخافيش

ايمي….بضحك با عم انا هايفه يعند لانه هو اصلا بيتلكك

عشري….والله ما هيتلكك هو مرعوب اصلا ادخلي يلا وخليكي معاه

ايمي…..بضحك طب ادخل انت الاول

عشري…بضحك عارفه انا ايه اللي مخوفني

ايمي…..ايه

عشري….يفكر اني متغق معاكي منك لله انتي وهو

ايمي…بضحك لا متقلقش هقولوا انك متعرفش يلا ادخل بقي

عشري….طيب تعالي

قرب عشري خبط خبطه ضغيره و فتح الباب و ابتسم وعمل عبيط

عشري….مفجاااااااه

دخلت ايمي وراه وابتسمت بترقب

وليد…..ايموووووو ايه المفجاه الحلوه دي

ايمي…..عينها كانت علي رشيد اللي باصصلها بصدمه حبيب ييا وليد اخبارك ايه

وليد….زي الفل

رشيد….هو انا قايل ايه ؟

عشري….بابتسامه ادخلي وخلينا نقفل الباب عشان مش ضامنه

ايمي….. بابتسامه بص استهدي بالله كده و روق عشان انا جيت خلاص

رشيد…وانا قولتلك متجيش

وليد….بضحك ايه ده انت مكنتش عارف انها جايه

رشيد…لا انا قايلها متجيش و مخدتهاش اصلا و معرفها لو جات همشي

ايمي….ماهو انت السبب متوتر و موترني لا هعرف انام ولا هعرف اقعد و لا هتطمن و انا مش معاك و من الاخر كده انا عارفه ان الجوز دول هيطلعوا عينك و هيوتروك و هيقلبوها مراجيح و مش بعيد تمشي بسببهم هما

عشري….بضحك اه يا واطيه بتقلبيه علينا احنا

وليد….بضحك انا لو منك اقوم افرومها

ايمي….بضحك والله العظيم عرفاهم رخمين و هيستلموك و يطلعوك مسرح الرخم اللي جنبك ده عرفاه من زمان لما بيستلم حد مبيرحمش والبلطجي انت عارفه اكتر مني
ولو اتجمعوا علي بعض خلصت