لقاء كارثي
لقاء كارثي
عسال….اه هلحق متقلقيش اصلا انا مش قادر هسافر بليل
نادين….ما بلاش بليل يا ميدو
عسال….ماهو اسمعي انا كده كده كنت هكلمك عشان نخرج نتغدي بره و عشري لسه قافل معايا من شويه و اختمال يجي معايا
نادين….بجد
عسال….اه والله هو اللي قالي
نادين….طيب كويس عشان متبقاش لوحدك بس ليله هتروح معاه
عسال…..لا هو احتمال يهلي ليله تيجي تبات معاكي انتي و نوني
نادين….بسعاده طيب احلف
عسال…اللللللله ايه السعاده دي كل ده عشان ست ليله هتيجي انا قولت لو عرفتي ان عشري جاي معايا هتطلعي عيني
نادين….بضحك لا ادام فيها لولي روح براحتك خلاص بس هي هتيجي
عسال….ما لو عشري جاي اكيد هي مش هتقعد لوحدها يعني تيجي تقضوا اليومين دول مع بعض هو هيروح و يتأكد و يعرفني و لو كده هيجي علي عشره هو وليله هيسيبها و انا وهو هنتحرك علي طول
نادين….يعني انت لو جيت الوقت هتفضل معايا لحد ما هو يجي
عسال…. بابتسامه اممم هي الوقت الساعه ثلاثه يعني اه مش هيبقي في وقت بقي
نادين….خلاص ماشي طيب يلا قوم بقي
عسال….بابتسامه ماشي يا ستي هقوم اهو
نادين….متتأخرش مستنياك
عسال…حاضر يا قلبي باي
نادين….باي
…………….
طلع تامر و فتح الباب لمح نغم في وشه
تامر….بهدوء بابا فين؟
نغم….بياخد شاور
تامر….طيب امسكي بسرعه حاجتك دخليها الاوضه
نغم…..بابتسامه احراج اااا اوك شكرا
تامر….بابتسامه العفو
خدت منه الشنطه و دخلت بسرعه علي الاوضه فتحت الشنطه
لقت فيها مسكن و الباد و شوكلت و حجات حلوه كتير ابتسمت بسعاده و فضلت تضحك زي العبيطه
استنت شويه و بعدين خرجت و هي باين علي وشها السعاده كان قاعد علي الكنبه بيلعب في الموبايل اول ما خرجت بصلها
نغم….بابتسامه بصت علي اوضه احمد ورجعت بصتلوا شكرا علي الحاجه
تامر…..بابتسامه العفو زي ما كنتي عيزاها
ضحكت و بعدت عينها عنه
تامر…..بضحكه جميله لو احتاجتي اي حاجه تاني عرفيني ماشي
نغم…. بابتسامه ماشي بس انا لازم امشي بكره علي فكره
تامر…ليه لازم
نغم….عشان انا بقي ليا بيت يا تامر و عشان اكيد ورايا حجات كتير و عشان مش عامله حسابي اصلا في اي لبس
تامر…ما البنات ليهم لبس هنا
نغم….ماشي بس مش هينفع برضوا اسيب البيت انا كده كده بقيت جنبكم يعني اكيد هعدي عليكم كل شويه علي الاقل عشان بابا اطمن عليه
