لقاء كارثي

وليد….بضحك عادي هتلبسها

رشيد…البس ايه يا جدع متستفزنيش انت مش قايل انها مش عمليه انتوا بتشتغلوني بقي ولا ايه

وليد….والله ابدا البسها اصلا فوق هدومك انت مش هتغير هي مش عمليه بجد يعني بس لازم تلبسها

رشيد…..اوعي يكون في بنج والحوارات دي و كتاب الله هخرج

عشري….بضحك يا عم في ايه بقي وترت ميتين ابونا هتاخد بنج بس في رجلك الراجل قالك هتبقي صاحي

ايمي…..حبيبي البنت قالت اجهز يلا بقي

رشيد…استني انتي مستعجله علي ايه انا مش هلبس الا لما ترجع واعرف منها

وليد…استني هناديها تقولك بنفسها

قام وليد خرج يجيب الممرضه تاني

عشري…..بضحك فينك يا سلامه المسرح محتاجك

ايمي…..بضحك عشري والله هيضربك وانا هسيبه عشان انت تستاهل الضرب

عشري…..بضحك لا خلاص اقعد ياعم واهدي كده

دخل وليد مع الممرضه تاني وهي مبتسمه و فهمت من وليد انه خايف

ايمي…..بابتسامه معلش تاعبينك معانا

الممرضه….لا خالص مفيش حاجه

ايمي…بصي هو بيتوتر من الجو العام ده فا عرفيه ان الجاون ده مش معناه انها عمليه

الممرضه….بابتسامه لا خالص والله اطمن انت هتلبس الجاون علي لبسك اصلا و هتقلع الشوز و هتلبس بس الكوڤر و ده بس عشان التعقيم مش اكتر لكن حضرتك بتبقي صاحي و فايق بتاخد بس بنج موضعي و بتبقي فايق و صاحي مع الدكتور

رشيد….يعني دي عمليه ولا ايه بالظبط

الممرضه….لا هي جراحه بس مش عمليه كبيره يعني دي حاجه بسيطه خالص ومش هتحس و هتتعنل بالليزر كمان يعني اهدا و متوترش نفسك

ايمي….سمعت ممكن تجهز بقي

الممرضه….طيب اي طلبات تاني

عشري…. بابتسامه لا شكرا اتفضلي

خرجت الممرضه وسابتهم رشيد كان باصص للبس و متوتر و مخنوق و مضايق

ايمي….بابتسامه وهي بتحاول تكتم ضحكها بسبب عشري و وليد حبيبي يلا تعاي اساعدك في اللبس اقلع بس الشوز و الشراب

قام رشيد بهدوء و هو علي اخره لبس الجاون الكبي فوق لبسه و ايمي ربطته من وراء و هي مستخبيه وراء ضهره و بصالهم وهما بيضحكوا ومخبين وشهم و ميته

لبس بعد كده الكاڤر في رجله و قعد تاني علي السرير و بصلهم بغضب بسيط

رشيد…..انتي كويس انك جيتي والله عشان وجودك اللي حايشني عنهم

ايمي….بضحك شوفت بقي اني كنت عارفه هيحصل فيك ايه

عشري…..رشيد والله مش قادر شكلك مسخره

وليد…..ااااه لا انا هقوم اخرج ولا اروح في اي حته هيقتلني والله