لقاء كارثي

احمد …قولي يا ستي

نغم …انت حالك احسن من حالي اه والله الي بتقولوا ده انا كمان حسيت بيه و حسيت بيه كتير اممم يعني لما مريت بحجات كتي رفي حياتي كنت محتاجه فيهم بابا وملاقتهوش حسيت بيه بعد ما ما اتوفت و صحيت تاني يوم ملاقتهاش و حسيت بيه اكتر لما رجعت من دفنة انغام و اكتشفت انها كانت اخر مره هقدر اشوفها بس انت ايه وسلمي معاك موجودين تقدر تشوفهم اي وقت انا اكيد عارفه انه مش سهل عليك بس افرح واتبسط عارف يمكن انا حسيت بكل ده بس مل ده راح لما انتوا دخلتوا حياتي والفراغ والهواء والشباك والبرد اتقفلوا ورجع قلبي اتدفي تاني معثول يا حمودي انا معرفتش اسد مكان الهواء ده شويه دي تبقي عيبه في حقي

احمد…. بضحك ضمها لا ياستي سديتي ولا تزعلي واقولك هنا الخسرانين هما اللي سابوني وراحت كل واحده مع حبيبها

نغم…. بضحك ايوه كده اضحك ونتفق انا وانت عليهم بقي مش هما سابوك انا معاك و مش هسيبك يا حمودي و نغيظهم بقي براحتنا

احمد… بضحك ايوه نغيظهم يستاهلوا بس شويه و هتسيبيني انتي كمان

نغم….بضحكه جميله لا مش هسيبك متقلقش و لو يعني حصل لسه قدامنا كتير اوي يكونوا هما بقي جابولك ايه صغيره و سلمي صغيره و يملوا البيت ده اطفال ينسوك ايه الكبيره وسلمي الكبيره ونغم كمان اتفقنا

احمد…. بضحكه تجنن اتفقنا يا ستي ربنا يخليكي ليا و يسعدك زيهم يارب هو فين تامر صحيح

نغم….ااا في الاوضه هو صحي سأل عليك ودخل تاني خليه يخرج يلا عشان الفطار جهز

احمد…..ماشي يا حبيبتي حالا

راح احمد يقول لتامر ان الفطار جهز و خرجت نغم تحط الاطباق و هي بتحاول مترفعش عينها وتبصلوا عشان كانت متوتره جداً و خايفه يبان عليها حاجه

الفطار اتحط علي السفره و قعدوا هما الثلاثه فطروا و خلصوا

عمل احمد الشاي وهي غسلت الاطباق و بعدين خرجت بره كانوا بيتكلموا مسكت الموبايل تلهي نفسها في اي حاجه

تامر…..سألت حماده علي رشيد كان هيعمل عمليه رجله انهارده

احمد….تصدق نسيت مش عارف ازاي بس دماغي مشغوله والله استني اتصل عليه

مسك احمد الموبايل يتصل علي حماده

سمعت نغم موبايلها في اشعار مكانتش عارفه ليه حاسه ان الرساله دي من تامر بصتلوا بطرف عينها كان باصصلها بهدوء قلبها اتخطف لما بصت لاقته باصص عليها واتأكدت
من احساسها فتح المسدچ