لقاء كارثي

ايمي…..باي يا قلبي خد بالك منه لا يهرب منك يا عشري

عشري….بضحك لا هربطه بالحزام الوقت يلا باي

ايمي…..باي يا عشري

ركبوا و اتحركوا وهي بصت عليهم و قفلت و طلعت بسرعه علي فوق

قلعت الاسدال كانت لابسه طقم من تحت مسكت موبايلها و طلبت اوبر بسرعه و بعدين حطت حاجتها في الشنطه

وطبعا مهانش عليها تسيبه و هو متوتر بالشكل ده ولا قدرت تستني لحد ما يرجعلها و لا حتي قدرت تسمع كلامه بس كانت عارفه انها معما اتحايلت عليه مش هيرضي ابدا فا قررت تحطه قدام الامر الواقع و كانت بتدعي ميعملش زي ما قال لو راحت يمشي

عشر دقايق و نزلت تاني و قفلت الباب و راحت ركبت و اتحركت وراهم

…………..

بعد وقت مش طويل اوي وصل عشري المهندسين تحت مستشفي خاصه ركن ونزل هو و رشيد و دخلوا قابلهم وليد جوه في الريسيبش بتاع المستشفي

وليد…. بابتسامه صباح الفل

عشري….صباح الفل يا ابو نسب

رشيد….حبيبي يا وليد صباح الفل حقك عليا تاعبك معايا

وليد….ياجدع متقولش كده تعبك راحه ملحقتوش تناموا شكلكم

رشيد…..انا نمت شويه

وليد….بص لعشري وضحك وانت اللي في عينك ده قلة نوم ولا ضارب حاجه

عشري….بضحك حته بمتين

ضحك وليد وضربوا في كتفه

وليد….تعالي يلا نروح نكتب البيانات بتاعتك. امضي عليها عشان نطلع علي اوضتك الدكتور جاي الوقت

رشيد…..مسكوا من رقبته رجعوا تعالي بس هنا واستهدي بالله كده بيانات ايه وامضي علي ايه في يومكم اللي زي وشكم ده هي عمليه بجد

عشري مات علي نفسه من الضحك وعلي منظر وليد وهو رشيد قافشه

وليد…في ضحك يا عم مش ليك بيانات لازم تتسجل

عشري…..بضحك بقولك ايه رشيد علي اخره و مرعوب فا براحه عليه

وليد….بضحك يا جدع مفيش حاجه والله ومرعوب من ايه بس والله الدنيا تمام البيانات عاديه انت لو رايح تكشف هتكتب بياناتك بروضوا

رشيد…امال امضي علي ايه

وليد….ياعم علي بياناتك

عشري…بضحك امشي يا امضي امشي يا امضي

وليد ضحك علي عشري

رشيد…..ورب الكعبه يا عشري هقل منك و هاكلك علقه

عشري….بضحك طب خلاص يلا تعالي امضي

بصلوا بغيظ

وليد….بضحك ياعم عشري اسكت بقي في يومك ده بدل ما يمشي

رشيد….والله الشيطان بيقولي امشي و سيبهم

وليد…بضحك لا استعيذ بالله وتعالي معايا انا سيبك من اللي مصطبح عالصبح ده

راحوا علي الريسيبشن و بدأ رشيد يكتب بياناته