لقاء كارثي

عشري….سلامتك يا غالي علي مهلك

وليد……يلا سلام عليكم ارتاح شويه بقي

عشري….ماشي يا حبيبي يلا مع السلامه

فتح وليد الباب بهدوء و خرج

قفل عشري الشباك و لمح ايمي نايمه و التيشرت مرفوع مبين ضهرها

قرب من سرير رشيد خد منه ملايه و حطها عليها براحه و راح قعد علي الكرسي رجع راسه لوراء مكانش قادر و هيموت و يروح يكمل نوم هو كمان فضل يلعب في الموبايل شويه و يسلي نفسه

………………..

في منزل احمد علي الساعه 12 قامت نغم من النوم كانت حاسه بتعب بسيط في بطنها دخلت التويلت و اتأكدت ان البريود جاتلها و لحسن حظها كانت عامله حسابها في باد بس كانت تعبانه

خرجت بهدوء علي بره عشان تاخد مسكن

باب الاوضه بتاعت احمد كان مفتوح

خبطت بهدوء و بعدين بصت مكانش موجود باب التويلت كان موارب والنور مقفول و حتي مش موجود في المطبخ

راحت مسكت موبايلها واتصلت عليه

احمد…..الوووو صباح الخير يا حبيبتي

نغم….صباح الخير يا بابا هو حضرتك مش موجود

احمد….لا انا نزلت قولت اصلي الضهر في المسجد و اقعد شويه كده واجي انتي صحيتي خلاص

نغم….انا لسه صاحيه بس لما لاقيتك مش موجود قلقت

احمد….انا بخير يا حبيبتي خالص هرجع الوقت

نغم….لا يا حبيبي خليك براحتك

احمد….تامر صحي؟

نغم….هو تقريبا نايم البتي هادي خالص

احمد ….طيب هخلص و هرجع هجيب بس شويه حجات من السوبر ماركت محتاجه اي حاجه

نغم….لا سلامتك هو حضرتك فطرت

احمد….لا انا قولت لما تصحوا براحتكم نبقي نفطر مع بعض

نغم….طيب خلاص علي مهلك بقي و اديني فرصتي احضرلك فطار حلو

احمد….بابتيامه جميله ماشي يا ست البنات براحه بس احسن تتحرقي و لا تتعوري

نغم….بضحكه جميله لا عيب في حقي دي انا شيف علي قدي برضوا

احمد….بحب احلي شيف في الدنيا لو احتاجتي حاجه كلميني

نغم …ماشي يا حبيبي يلا باي

احمد…..سلام يا بنتي

قفلت نغم و سابت الموبايل علي الرخامه.

وبدأت تطلع الاكل و تجهزوا بحماس عشان تعمل فطار حلو و تحاول تبسط احمد و متحسسوش ان البيت فاضي عليه خصوصا انه بعد ما رجع لما وصل البنات كان حزين و دخل اوضته قال انه هينام

طلعت بيض و بطاطس و جبن و فول و قررت تعملوا سفرة فطار تجنن

شغلت اغاني علي الموبايل و هدت الصوت شويه عشان تامر ميصحاش و اندمجت مع نفسها و وقفت تحضر بحماس بس حست ان بطنها بتوجعها و نسيت تاخد المسكن