لقاء كارثي
لقاء كارثي
تامر….انا هنزل الوقت عرفيني هتعوزي ايه من تحت و ختم كلامه بايموشن حاطت صباعه علي بوءه ششششش
ابتسمت بهدوء و مقدرتش تبصلوا
نغم….مسكن
تامر…..بس
ابتسمت تاني و رفعت عينها بصتلوا بغيظ بس مكانش باصص عليها عشان ابوه ميحسش
نغم…..انت عايز ايه مني؟
تامر….ولا حاجه بسألك عشان هقوم انزل الوقت
نغم….مش عايزه غير مسكن و لو احتاجت حاجه هبقي انزل اجيبها
تامر…..مفيش نزول شوفي عايزه ايه وانا هجيبه
نغم….بأبتسامه هاديه هو ايه اللي مفيش نزول ؟
تامر….زي ما بقول كده انا اصلا نازل عشان اجيبلك اللي انتي عيزاه انا مش عايز حاجه
نغم…..خلاص متنزلش انا قولتلك اني هنزل علي فكره قولتلي انا هروح اجيبلك وخليكي
تامر…طيب يبقي بما اني هنزل عرفيني محتاجه ايه غير المسكن
نغم….مسكن بس
تامر….متأكده
بصتلوا بغيظ لمحها بطرف عينه فا ابتسم
نغم…..علي فكره انت قاصد تضايقني صح
تامر…..بعتلها ايموشن ضحك طيب خلاص متزعليش بهزر بس انا خايف اجيب اي حاجه
نغم….انت شوفته قبل كده
تامر….والله ما فاكر اسمه وبعدين انا شوفته وهو في الشنطه مركزتش يعني
نغم…. بابتسامه نفس اللي كنت بتجيب منه لسلمي وايه
تامر….بابتسامه ماشي تمام عايزه ايه تاني
نغم…..ولا حاجه مش عايزه خلاص
تامر…..شوفي محتاجه ايه تاني طيب حتي لو للبيت هنا عشان لما اديكي الحاجه بابا ميشوفش شنطة الصيدليه دي
نغم…..والله مش عايزه وبابا جاب حجات كتير و هو جاي معرفش بقي اتصرف انت
تامر….ولا هتصرف ولا حاجه انا هطلع ايديك الحاجه مليش دعوه
نغم….بصدمه تديني قدام بابا انت بتهرج بقولك ايه خلاص متجيبش حاجه انا شويه وهنزل اروح
تامر….بابتسامه خلاص بهزر اكيد يعني مش هعمل كده انا هتصرف
نغم…..بابتسامه اوك
تامر….قولتيلي اسمه ايه
نغم…..علي فكره انت قليل الادب
ابتسم تامر بصدمه و بصلها بعدت عينها عنه بسرعه وهي مبتسمه
تامر….انا قليل الادب ؟
نغم….اه مش هخاف منك يعني
تامر….تمام حلو اوي متبقيش تزعلي بس
نغم….هتعمل ايه
تامر…..لا خليها مفجأه بقي بس لما تبقي لوحدك و مفيش حد تتحامي فيه
نغم……بابتسامه لا مش هبقي لوحدي بابا مش نازل تاني و اصلا متقدرش تعمل حاجه اخرك تركب و تسيبني واقفه لوحدي في الشارع
تامر…..بضحكه هاديه ميبقاش قلبك اسود بقي
