لقاء كارثي

ليله….لا لما تنزل والله

عشري…نامي يلا انتي مش قادره تفتحي عينك

ليله…..والله انا تمام يلا بس انت البس

عشري….طيب انا هخلص اهو بسرعه

ليله….لا براحتك يلا البس

قلع عشري و لبس البنطلون و بعدين التيشرت قعد جنبها لبس الشراب و بعدين دخل علي الدريسينج ظبط شكله وحط برفيوم و خرج تاني لبس الكوتش

ليله…..خد النضاره عشان الشمس

عشري….اه نسيتها هجيبها حاضر

قامت ليله بهدوء راحت جابتلوا النضاره و رجعت

ليله….امسك يا قلبي فين شنطتك

عشري…..والله ما عارف بره ممكن

ليله…لا مفيش حاجه بره استني اشوفها في الدريسينج او ممكن تكون سيبتها امبارح في العربيه

عشري….لا انا فاكر اني طالع بيها استني كده اشوفها

دخل عشري و هي وقفت سانده علي الباب

عشري….اهي لقتها بس عايز الوقت اشوف اي مكنه اسحب فلوس مش معايا كاش خالص

ليله…..استني الخزنه فيها

عشري….لا انا هسحب الوقت

فتحت ليله الخزنه و طلعتوا منها مبلغ

ليله….امسك يا حبيبي

عشري….شيلي فلوسك يا بت هسحب الوقت كده كده مش معايا كاش و لازم اسحب

ليله…طيب امسك الوقت وابقي اسحب براحتك بس اخلص عشان متتأخرش علي رشيد ابقي اسحب وانت جاي

عشري….بقولك شيلي انا هسحب في الطريق مش هتأخر

ليله….عشري هتعصبني وانا مش قادره اخلص بقي

عشري….طيب هاتي

ليله….لازم اتعصب يعني و بعدين اعتبرهم من الفلوس اللي ليك عندي بتاعت الشاشات لسه محاسبتكش عليهم

عشري….بضحكه جميله قرب باسها من خدها استعوضت ربنا فيهم يا نصابه

ليله….بضحكه جميله خلصت خلاص
مش ناسي حاجه

عشري….لا تمام كده

ليله….طيب يلا عشان تفطر

عشري….طيب ممكن تنامي انتي

ليله….مش هنام الا لما تنزل اخلص بقي و خد موبايلك

عشري….حاضر

خرج علي بره وهي وراه وقف بسرعه يفطر قعدت جنبه علي البار و سندت راسها علي ايدها وغمضت

عشري….لا لا لا يلا قومي قومي كده
انا خلصت خلاص

ليله…..طيب خلاص مش هنام

عشري…انا عايزك تنامي يلا قومي انا فطرت تعالي بقي انيمك عشان انزل

ليله……لا هقفل وراك طيب

عشري….انا هقفل يلا

خدها غصب عنها علي جوه حطها علي السرير راح قفل نور الدريسينج والتويلت و مل حاجه ورجعلها ظبط التكييف و غطاها وقرب منها باسها

عشري…..عايزه مايه

ليله….بتعب لا مش عايزه يا حبيبي

عشري….طيب يلا يا حبيبي غمضي ونامي تصبحي علي الف خير هخلص و ارجعلك علي طول كده كده مفيش شغل