لقاء كارثي

ليله.. ايمي جات معاكم

عشري … اه جات بعدينا عشان رشيد مكانش راضي ياخدها

ليله….طيب تعب عليها هي كانت مش قادره

عشري….ماهي دماغها ناشفه زي صاحبتها بس بخير متقلقيش و روحوا خلاص

ليله…..الساعه كام

عشري….داخله علي اربعه

ليله….كل ده انت اتاخرت خالص

عشري….طيب اعمل ايه كان لازم يستني شويه

ليله….طيب انت هتنام صح اعملك حاجه تاكلها

عشري….لا لا مش قادر انا بس هموت وانام فاصل مش قادر

ليله….يطب يلا يا حبيبي نام

عشري…..لولي في حاجه عايز اقولهالك

ليله…..قول يا حبيبي

عشري….اااا بصي انا حاسس ان ميدو ملخوم و مش عارف راسه من رجله و محتاس لوحده في التجهيزات و هو مسافر انهارده بليل كنت بكلموا و حسيت انه تايه لوحده

ليله… عايز تسافر معاه طيب

عشري…..بايتسامه لو سافرت هتزعلي

ليله….. بابتسامه غمضت عينها في حضنه لا طبعا يا حبيبي روح متسيبهوش

ابتسم عشري وباس راسها بوسه طويله

عشري….ربنا يخليكي ليا طيب انتي هتعملي ايه اليومين دول

ليله…..هستناك طبعا مش هعمل حاجه

عشري…..طيب هو انا مش هعرف اسيبك لوحدك فااا

ليله….لو تقصد اجي معاك مش هعرف عشان نودي متزعلش انت عارف انها هتتجن وتروح مع ميدو من الاول و هو مش راضي وعايز يفاجئها بس ممكن تزعل لو انا وانت روحنا وانا مش عايزه ازعلها

عشري….بضحكه جميله لا مقصدش كده انا اقصد روحي اقعدي مع نودي و نعيمه لحد ما ارجع يعني منها تقعدوا وتتسلوا مع بعض و تبقي قريبه من ايمي و منها امون مطمن عليكي

ليله….حاضر يا حبيبي اللي انت عايزه

عشري….هو انتي ازاي قمر كده

ليله….بضحكه جميله حضنتوا وخبت وشها فيه انت اللي قمر

عشري……بحبك يا ليله والله العظيم بحبك اوي

ليله…..كل ده عشان قولتلك روح انت كنت ناوي تسيب صاحبك لوحده اصلا وهو محتاجك

عشري…لا بس مش عايز ازعلك

ليله….وانا مش زعلانه يا عمري روح و خليك معاه هو الوحيد اصلا اللي محدش ساعده خالص و محتاس لوحده

عشري….عشان كده صعبان عليا
بصي انا هنام شويه و المفروض ان ميدو هيروح لنادين و يخرجوا شويه و نسافر مثلا علي عشره هنروح مع بعض بعربيتك و بعدين هسافر معاه بعربيته اشطا

ليله….تمام بس استني اظبط المنبه بقي لاني مش قادره اقوم الوقت و مكسره علي الاخر قولي بس عايز تصحي امته