لقاء كارثي
لقاء كارثي
نغم…..يعني معترف انك كنت قاصد
تامر….بابتسامه بصراحه اه بس انتي اللي طلبتي مني مضايقكيش او اتدخل فيكي سيبتك تختاري تركبي مع اللي انتي عيزاه من غير تدخل مني عشان مترجعيش تقولي حابسني و مضايقني
نغم…. بابتسامه ما انا اختارت
رفع عينه وبصلها ابتسمت بتوتر و بعدت عينها بسرعه
تامر…. بابتسامه و علي فكره انا اكيد مكنتش همشي يعني كنت عارف انك هتركبي معايا
نغم…..انا ركبت معاك بس عشان مبقاش قليله الذوق لاني روحت معاك الصبح بس بصراحه مكنتش عايزه اركب معاك
تامر….رفع حاجبه و بعدين بص في الموبايل امال كنتي عايزه تركبي مع مين ؟
بصتلوا بهدوء و ابتسمت و قفلت الموبايل و مردتش عليه ابتسم بغيظ و بعتلها تاني
تامر…..ردي ؟
مردتش
تامر……بابتسامه غيظ مش هتردي يعني طيب حلو اوي متزعليش بقي
كانت مبتسمه و مبسوطه و الاشعارات بتجيبلها وهو قدامها كده و هي مش بترد عليه و لا معبراه
ابتسم بغيظ و قام وقف بص لابوه كان لسه عمال برغي مع حماده
تامر….نازل اجيب حاجه وراجع
هز احمد راسه و كمل كلامه بص تامر لنغم بغيظ ابتسمت وبعدت عينها عنه فتح الباب و نزل
……………….
رشيد….انزل بالله عليك شويه متزعلنيش
ايمي….خلي عندك دم وانزل شويه
عشري….والله ما قادر وفاصل و عايز اروح اطمن علي ليله و بعدين انتوا تطلعوا تناموا علي طول بمنظركم ده
رشيد…..حبيبي يا عشري متحرمش منك تعبتك معايا
عشري……اوامر الباشا تعبك راحه يا حبيبي ربنا يتم شفاك علي خير
ايمي……بلطجي انا بموت فيك
عشري…..قلب اخوكي انتي خدي بالك من الواد انا سايبه امانه معاكي يعني شيف ماشي ممرضه ميضرش اااا هاااا ميضرش
ايمي…..بضحك بس كده عيوني
رشيد….بضحك حبيبي يا عشري سلم علي لولي
ايمي….بوسهالي كتير لحد ما اصحي واكلمها
رشيد…ما هيصدق
عشري…. بضحك طبعا عز الطلب
رشيد…..يلا يا حبيبي خد بالك من الطريق
عشري…..علي مهلك انزل بس الاول
نزلوا عشري و دخلوا لحد جوه مكانش حد في الجنينه سابهم وخرج ركب علي طول ومشي.
……………
في منزل سلمي و حسان
الساعه كانت اتنين و ربع صحي حسان الاول و اول ما شاف سلمي ابتسم كان فاكر نفسه بيحلم و كل ده محصلش
حسان…..قرب منها وباسها من خدها بهدوء لومي لومي حبيبي
فتحت عينها بهدوء و اول ما شافته اتخضت
