لقاء كارثي

عشري…وتتعب ليه البيت ملكهم وباسمها وهو عرض وطلب لو هي مش موافقه ميقدرش يجبرها ده انا اطلع روح اللي خلفوا

رشيد…ياعم يمكن في حاجه تانيه و زي ما انت بتقول هو عرض وطلب مش هيجبرهم ده لو مأجرين ميقدرش يطلعهم طول ما في عقد

عشري….عموما خلينا نعرف الاول من وليد و اوعي تجيبلها سيره

ايمي…لا لا متقلقش خير ان شاء الله

رشيد…فين الدكتور

عشري….جاي ورايا خلاص

دقايق بسيطه و دخل الدكتور اطمن عليه تاني و بعدين كرر تاني تعليمات الاختمام بالجرح و الراحه و قالوا يومين كمان و هيشوفوا بس في العياده و طمنوا و بعدين كتبلوا خروج
قعد علي كرسي و الممرضه خرجتهم لحد بره ابمي كانت ماسكه في ايد عشري مكانتش قادره

عشري….براحه متمديش هنا هيقفوا يستنوا علي مهلك

ايمي…..انا مش قادره تعبانه اوي ومش عايزه اقلق رشيد

عشري….باين عليكي اصلا انتي ارتاحي اليومين دول علي قد ما تقدري يا ايمي عشان تعرفي تسافري

ايمي…..ما انا هعمل كده فعلا

عشري…طيب انتي تعبانه اوي لو تعبانه نشوف دكتور

ايمي….لا مش تعب حاجه هو ارهاق فظيع

عشري…..ارتاحي بقي و خير ان شاء الله

قربوا من رشيد و شكروا الممرضه واداها عشري فلوس و بعدين سند رشيد علي كتف عشري و راح بيه لحد العربيه ركبوا قدام و فتح الباب لايمي ركبت و بعدين اتحركوا.

…………………

في منزل احمد

رجع احمد علي البيت فتح كانت نغم في المطبخ و تامر في اوضته

احمد……يا نغم

نغم….تعالي يا حبيبي انا في المطبخ هنا

قفل الباب و دخل علي المطبخ و هو معاه شنط

احمد…..اااه خدي مني

نغم…..ايه كل ده ايدك وجعتك

احمد….لا لا لسه مكبرتش اوي كده

نغم…. بابتسامه انت قمر اصلا

احمد…خدي بالك عشان في بيض هيتكسر

نغم….ماشي متقلقش

احمد…..ايه الفطار الحلو ده كله تسلم ايدك

نغم….بحب ده عشانك كله

احمد…..كل ده

نغم….احنا عندنا كام حمودي بس طمني عليك انت كويس انهارده

احمد …بنظره حزينه خد نفس طويل الحمد لله مبسوط و زعلان

نغم….طيب مبسوط وفهمتها زعلان ليه بقي مينفعش

احمد…..عارفه لما حته منك تصحي متلاقيهاش جنبك حاسس ان قلبي في لفحه هواء كده غريبه كأنك سايبه الشباك مفتوح في عز البرد في فراغ في قلبي مضايقني اوي

نغم….بحب قربت منه بعد الشر عليك هو انا اكتر حد حاسس بيك بس اقولك سر يا حمودي