لقاء كارثي
لقاء كارثي
………………..
علي الساعه 12 ونص فتح رشيد عينه لمح ايمي نايمه و متغطيه و عشري علي الكرسي نايم و الموبايل علي صدره البنج بدأ يروح و صباعه كان في الم جامد
رشيد….بهدوء عشري عشري
فتح عشري عينه بسرعه وقام قرب منه
عشري….ايه يا حبيبي مالك
رشيد…..عشري خد المخده دي حطها تحت راس ايمي عشان هتتغب من النومه دي
عشري…اااا ياعم هتصحي حرام سيبها نايمه
رشيد…..لا لا مش هتصحي هي تعبانه
عشري….طيب حاضر طمني بس انت كويس
رشيد….انا البنج راح و صباعي في وجع رهيب
عشري….معلش عادي عادي مسكن والدنيا هتبقي زي الفل ده طبيعي
رشيد….عشري بالله عليك انا عايز اروح اتخنقت والله انا ريحتكم وعملت اللي انتوا عايزينه ريحوني بقي والنبي عايز ارجع
عشري….والله العظيم هروحك حاضر الدكتور قالك علي واحده امشي خلاص هانت كلها نص ساعه ويجي يبص عليك تاني و نمشي
رشيد… ياعم ليه كل ده انا بقالي اكتر من ساعتين زهقت
عشري…..خلاص بقي هروحك و الوقت هجيبلك مسكن
رشيد….طيب حط لايمي المخده والنبي
عشري…هو انا غطتها عشان تنام براحتها بس هتصحي والله
رشيد….ياعم قولتلك مش هتصحي متبقاش رغاي بقي انا مش قادر اقوم
عشري…خلاص خليك هحطها
مسك المخده و قرب من ايمي بهدوء رفع راسها براحه و حط المخده بسرعه فتحت عينها
عشري…..بابتسامه وربنا هو اللي قالي مليش فيه
ايمي…..في ايه
عشري…مفيش صباح الفل بحطلك مخده ايد الكنبه هتبوظ رقبتك
ايمي….انت كويس يا رشيد
رشيد..اه يا حبيبي بخير وعالي نامي هنا او افردي نفسك علي الكنبه شويه هتتعبي
ايمي….لا لا انا اصلا جسمي باظ من النوم المقطع ده
رشيد….قولتلك متجيش مبتسمعيش الكلام
ايمي…..لما نروح ننام براحتنا
رشيد….عشري بالله عليك والله العظيم جيبت اخري ايمي هتتعب مني كده نادي اي حد يمشيني من هنا بقي
ايمي….يا روحي انا كويسه والله
رشيد…..يا جدعان ريحوني بقي
عشري….طيب خلاص هروح اجيب حد كده كده فاضل نص ساعه مفرقتش هروحك هي تعبت اصلا
رشيد….تعالي يا ايمي
شالت الملايه و كانت مرهقه بجد مش قادره تقف و كان في حركه جامده في طنها و تقلصات مش طبيعيه
مسكت بطنها بصرعه وبان علي ملامحها الالم
رشيد…..ايمي مالك
قرب منها عشري بسرعه
عشري……بت في ايه اوعي تكوني هتولدي الله يخربيتك
