لقاء كارثي

وليد….هو بيخاف من الدم يعني اصل عادي في ناس عندها فوبيا من الدم

عشري…مش قصه الدم لا هو ليتوتر من التعب الجروح المستشفيات الدكاتره بشكل عام نادرا لو خد علاج رشيد موسوس جدا

وليد….لا بس ده يتعب نفسه واعصابه لان غصب عننا بنتعب و لازم نروح لدكاتره

ايمي….. فظيع والله يا وليد انا لما كنت باخد المهدئ و المنوم في فتره بعد الجواز كنت باخدهم من وراه ولما عرف كان زعل كبير بينا

عشري…لا بس بصراحه حوار المهدئات ده هو معاه حق فيه

وليد….لا دي فظيعه من زمان وهي بتبلبع فيهم

ايمي…..مكنتش بعرف اقعد من غيرهم او بمعني اصح مبعرفش اتعامل مع بني ادمين الا وانا عامله دماغ

عشري….دماغ ايه بالظبط

ايمي….بضحك مهدئات انا زمان كنت عصبيه جدا و باخد كل حاجه علي اعصابي مكنتش ببقي تمام الا لو خدتهم

عشري….لا بس بلاش جنان دي مع الوقت بتدمر خلايا المخ

وليد….بضحك لا حوش العقل اللي هي فيه ما خلاص بقت همسه في الميه

ايمي….احمد ربنا يا اخويا اختك واحد في الميه

وليد….بضحك لا ليله ملهاش زي بصراحه

عشري….مالكم ومالها بقي الوقت اصحيها تسمعكم الوقت

ايمي….بضحك هي نايمه

عشري….اه فاصله عالاخر فضلت صاحيه لحد ما نزلت خافت تنام

ايمي….والله العظيم انا كمان فاصله و علي اخري هموت وانام و دماغي فيها تكسير

وليد….طيب افردي ضهرك عالسرير و غمضي شويه لحد ما يخرج

عشري…..نخرج بره شويه وتنامي

ايمي….لا انام ايه مش هعرف و بعدين هتكسف منكم يا اخويا ما تقعد

عشري…الحق عليا عايزك تاخدي راحتك

وليد…..انتوا مش فاتحين المطعم يا ايمي انهارده

ايمي….لا اجازه كلنا اجازه

وليد…ايه ده وانتوا كمان اجازه من الكافيهات

عشري….لا فاتحين يا عم مش اجازه عشان كلنا هنأجز يوم فرح ميدو و احتمال كبير قبلها بيوم كمان عشان الباشا عايزنا نتحرك بعد الضهر علي طول

ايمي…اااااه احيه علي ميدو بقي اللي مختار توقيت بكرهه بجد انا مبحبش اسافر بالنهار

عشري….والله ولا انا يا ايمي بس هو عايزنا نروح بدري عشان عامل بليل سهره كده فا عيزنا نوصل نرتاح شويه وننزل

وليد…..اخوانك جايين يا عشري

عشري….اه كلهم ان شاء الله كانوا مستبعدين الموضوع بس اقنعتهم

وليد….بس السخنه مش بعيد

عشري….هو مش حوار بعيد هو حوار بيات و يومين ضايعين كده يعني