لقاء كارثي

وليد…..والله مش عارف يا عشري بقي و لا عارف اعمل ايه هو قالي في مده شهر و ان البيت هيتنفذ فيه قرار الهد شهر سبعه

عشري….طيب هو لو البيت آيل للسقوط صحيح بيتحدد مده ده بيبلغ السكان فورا عشان يلحقوا يتحركوا لانه بيقع في اي وقت

وليد….ما ده اللي مشككني فيه و بعدين الشروخ الي فرجني عليها دي
في المنور مش شروخ توقع بيت

عشري….طيب باقي السكان موافقين

وليد….هو انا مشوفتش حد من السكان بس هو قالي المل موافق معرفش بقي بيسرح بيا ولا ايه

عشري…طيب اسمع خليني ابقي اجي معاك حتي لو مش هنشوف الراجل نشوف السكان رايهم ايه و الحوار بجد ولا لا وفي اي مشاكل بتحصل في البيت يعني بيسمعوا صوت طقطقه بيشوفوا الشروخ بتوسع الناس قاعده في البيت واكيد بيلاحظوا

وليد….ماشي طيب وليله

عشري…لا بص ليله مش هتعرف حاجه الوقت خالص انا عارف ان البيت ده غالي عندها و في نفس الوقت انت عارف الاسبوع ده فرح نادين مش عايز انكد عليها و هي اصلا تعبانه ومرهقه يعني كفايه نكد عليها خلينا الاول نحاول نشوف الحوار و نتصرف بعيد عنها

وليد…طيب وافرض البيت فعلا لازم يتهد و موصلناش لحاجه

عشري….وقتها سيبها عليا هتكلم معاها انا المهم متقولش الوقت لاخواتك لان اميمه مش بتخبي عنها حاجه انت عارف

وليد…..لا اميمه لو عرفت مش هتسكت هتقول لليله علي طول مش هعرفها طبعا

عشري …خلاص اكتم عالحوار لحد ما نشوف مع بعض هنعمل ايه يعني علي الاقل خلينا نعدي الكام يوم دول و بعدها نشوف

وليد…طيب تمام اتفقنا

عشري….ماشي يا حبيبي لو حصل اي جديد بلغني

وليد….اكيد يلا اطلع بقي.

عشري…ماشي يا حبيبي يلا سلام

وليد…مع السلامه

نزل عشري من العربيه و طلع علي فوق فتح ودخل البيت كان هادي زي ما سابه عرف انها لسه نايمه كان فاصل و جايب اخره و مش قادر

دخل علي جوه بهدوء و فتح براحه عشان متصحاش كانت نايمه علي وشها و الغطاء واقع من عليها و التكييف متلج جسمها

قرب بهدوء غطاها وراح علي الدريسينج خد شورت و تيشرت دخل خد شاور سريع و خرج قرب منها و طلع براحه جنبها اول ما لمس السرير فتحت و رفعت راسها بصتلوا

ليله ….انت جيت

عشري…. بابتسامه ضمها في حضنه جيت يا قلبي

ليله…..رشيد عمل العمليه

عشري….اه يا حبيب يالحمد لله روحته هو ايمي