لقاء كارثي

رشيد….بعد اذنك الحساب ڤيزا ولا كاش

الشاب….عادي مش هتفرق الاتنين تمام

رشيد…طيب اتفضل ڤيزا عشان مفيش كاش

عشري….انا معايا كاش

وليد…وانا معايا كاشي

رشيد….خلاص ما قال ڤيزا عادي رقولك ايه هو قال الغرفه فين

وليد…..الدور الثاني اسبقكم علي فوق اشوفها جاهزه ولا لا

رشيد….لا سيبك من الغرفه الوقت روح كده اتصل علي الدكتور شوفوا قرب ولا لا خلينا نخلص

وليد…..كلمتوا وانا جاي في الكريغق قال جاي

رشيد….ياعم كلموا تاني بقولك ايه انا لو فضلت هنا كتير هفضل مرعوب خليني اخلص

وليد….بضحك ماشي هكلموا استني

راح علي بره يكلموا

عشري…..نزل النضاره شويه و بصلوا بعينوا وغمزلوا بابتسامه تجنن ما تنشف يلا

رشيد….بابتسامه مش من مصلحتك انشف والله يا عشري ههليك مش نافع

عشري….بضحك هتعمل ايه

رشيد…لما نطلع هقولك

الشاب….طيب السيستم غالبا واقع فا ممكن نستني شويه لحد ما الدنيا تظبط وقبل العمليه ممكن تدفع الحساب

عشري…لا لا في كاش لحظه

رشيد….خلاص ما قالك شويه و يرجع

عشري….ياعم خلينا نخلص ما الفلوس موجوده

رشيد….طيب انت عايزني في اي حاجه ولا اروح اقعد لاني مش قادر

الشاب…لا مفيش خلاص اتفضل وممكن تطلع الغرفه لو تحب

رشيد….لا هستني هنا ونطلع مع بعض

وليد….قرب يا رشيد والله الطريق بس زحمه

عشري….وليد بقولك ايه خد رشيد واطلعوا علي الغرفه عشان مش قادر و انا جاي وراكم

وليد…ماشي عايز اي حاجه طيب

عشري….لا يا حبيبي اطلعوا انتوا يلا

وليد خد رشيد وطلعوا فوق علي الغرفه و فضل عشري تحت بيخلص دفع الحساب و بعد ما خلص و هو طالع لمح ايمي بصلها بصدمه و ابتسم قربت منه وهي عامله زي الحراميه بتبص شمال ويمين و بتضحك

عشري….انتي بتهببي ايه هنا؟

ايمي….بضحك بص استجدع معايا واقف جنبي عشان صاحبك لو عرف اني جيت هيفشــ

عشري…..بضحك طيب جيتي ليه

ايمي…مش هعرف يا عشري اقعد لحد ما يجي

عشري…يا ستي انا و وليد معاه وبعدين كنتي نامي امبارح اليوم كان طويل

ايمي….والله ما هعرف انام طول ما انا متوتره و ماشاء الله صاحبك طاقه توتر معديه متتوصفش خلاني اتوترت اكتر ما هو متوتر و بصراحه مش هاين عليا اسيبوا بس هو مش عايزني اجي ابدا والمشكله انه قالي لو جيتي همشي عشان كده هختفي لحد ما يدخل و ابقي اطلع بس قولي هو فين