لقاء كارثي

تامر…..دور في الرف بس ملقاش هو مفيش تقريبا الوقت هنزل واجيبلك لو تعبانه اوي هنزل الوقت

نغم…ااا لا لا تمام انا كده كده بعد ما اجهز الفطار شويه و هروح

تامر … هتروحي ليه

نغم…يعني همشي

تامر…..خليكي انهارده

بصتلوا نغم بهدوء و سكتت

تامر…..بابتسامه بسيطه لعب في شعره ااا يعني هو براحتك طبعا بس عشان بابا يفك اكتر و ميبقاش زعلان

نغم…اااا طيب هشوف يعني مش عارفه بس انا محتاجه حجات لازم اجيبها

تامر….بابتسامه من الصيدليه ؟

نغم…..بابتسامه كلها كسوف هو انت ليه رخم كده

تامر…. بضحكه جميله بصلها و سكت ثواني .متمشيش و اللي انتي عيزاه هجيبهولك ماشي

نغم…..ااااا احم طيب هروح و هبقي ارجع تاني

تامر…..هجيبلك اللي انتي عيزاه خلاص بقي اوك

نغم …بابتسامه توتر فظيعه بعدت عينها عنه و هزت راسها اوك

تامر…..بسعاده ااا ماشي هو بابا فين صحيح

نغم…..اااا هو بيصلي و قال هيحيب حجات من الماركت وجاي

تامر….طيب انتي مش محتاجه مساعده

نغم…..لا شكرا روح انت وانا هجهز الفطار

تامر…..بابتسامه طب اساعدك

نعم…..بضحكه جميله تامر امشي بره

تامر….بضحك طيب خلاص خارج الحق عليا

خرج وسابها وفضلت تضحك بهدوء وهي حاطه ايدها علي قلبها ومسكت خدها بهدوء خدت نفس طويل وهي مغمضه عينها

انا تامر فا خرج راح علي الاوضه و هو مبتسم و مش فاهم هو بيعمل ايه و ايه اللي حاسس بيه ده وليه بقي مبسوط وهو بيرخم عليها ومركز معاها و مهتم بيها وبكل تفاصيلها كده و فجأه حس ان أيه جات علي باله ابتسم بهدوء و ضيف عينه باستفهام

مكانش فتهم نفسه هو ازاي مبسوط من قلبه عشانها هي و سلامه كده ازاي مش حاسس بنفس الاحساس بتاع اول مره لما كتبت ايه كتابها و كان بيموت ازاي كان فرخان من قلبه وبيرقص و مهيبر

فضل كتير ساكت و بيفتكر مواقف وحجات مش مستوعب سال نفسه اساله كتير اولهم يمكن انا بتظاهر بكل ده عشان اداري عن سلامه وعن الكل مشاعري بس حتي لو كده ازاي انا مش غيران و انا عارف انها معاه في بيت وسرير واحد و بعد تفكير كتير

ابتسم بسعاده حس انه لا هو مش زعلان الا علي فراقها زيها زي سلمي هو مبسوط من قلبه لاخته و حبيبته واخر العنقود بتاعتهم

مشاعره تجاه ايه مكانش فيها غيره راجل علي سن كان فيها غيره اخ علي اخته اللي جه راجل خدها من وسطهم و حرموا من جنامها وضحكها وهزارها و في وسط ماهو غرقان مع عقله بدا يتفكر هزارها ومقالبهم و مواضيعهم و اكتشف لاول مره في حياته ان مفيش ولا موقف رومانسي او فيه مشاعر جمعته بأيه حتي من بابا الضعف