لقاء كارثي

رشيد…..بهدوء بص لعشري انا مش هقعد كل ده

عشري…طيب يجي بس يبص عليك و نشوف

خرج وليد مع الممرضه اداها فلوس و بعدين رجعلهم

ايمي…. بابتسامه ايه كله تمام و لا حسيت بحاجه

رشيد….الحقنه بس متعبه جدا

عشري….معلش بس هترتاح والله

رشيد….عايز اقولك ان خرج من رجلي حاجه شبه المسمار عضمه كده معرفش ازاي كل دي كانت في رجلي اللي ظاهر بره اصغر بكتير من حجمها دي اكبر من صباعي يا عم

وليد….ماهي دي بقي اللي بتكرهبك لما تحط رجلك علي الارض بس والله يا رشيد هترتاح جدا تخف بس و كله هيبقي تمام

ايمي….كويس انك عملتها يارشيد ارتحت

رشيد….الحمد لله تعبتكم معايا يا شباب

عشري….تعبم راحه يا باشا

وليد….عيب عليك متقولش كده المهم انك بخير خف بسرعه بقي عشان نخرجبها في فرح ميدو و نادين

رشيد….بضحك انا عايز اخف عشان اطلع عينك انت و عشري عريس الجنه هاا

عشري…..بضحك يا عم انت حبيبي قرب منه حضنه وباس راسه ممكن بقي اروح اجيبلك حاجه تاكلها

ايمي….اه والنبي يا عشري هو مكلش غير في الفرح

رشيد….انا مش عايز اكل انا عايز امشي والنبي يا عشري

عشري…. الله همشيك بس كل حاجه

رشيد….لا مش الوقت والنبي انا مش هعرف اكل في المستشفي نخرج بس وهاكل

وليد…طيب اجيبلك عصير

رشيد…لا لا مش عايز والله انا كده زي الفل

عشري….طيب ريح شويه بقي لحد ما يجي الدكتور

ايمي…اه رجع راسك يلا ونام حبه

رشيد….تعالي انتي هنا اسندي عشان القاعده دي هتتعبك والله ياعم نادي حد بقي انا كويس والله ايمي هتتعب مني كده

عشري….ايمي ايمي تعالي هنا علي الكنبه دي عشان هو مش هيسكت ونص ساعه بس يجي الدكتور و يكون البنج بدأ يروح

فضلوا قاعدين شويه الدكتور عدي عليه بعد نص ساعه اطمن عليه و طمنهم انه كويس و قالهم علي ارشادات بعملوها بعد العمليه و قال لرشيد يستني حبه كمان عشان يكون البنج راح خالص من رجله وبعدين سابهم وخرج

رشيد غمض عينه و نام كان فاصل و ايمي كمان غمضت و هي قاعده

عشري و وليد كانوا واقفين يتكلموا قدام الشباك و بيشربوا سجاير

جات مكالمه لوليد بص علي الموبايل

وليد….ايه ده فرحات عايز ايه ده

عشري….في ايه مين ده

وليد….ده صاحب البيت بتاع شبرا

عشري….طيب شوفوا

وليد…الو سلام عليكم

فرحات…..عليكم السلام ازيك يا استاذ وليد