لقاء كارثي
لقاء كارثي
وصلت ليله علي البيت فتحت بالمفتاح و اول ما فتحت سمعت صوت جاب من المطبخ اتخضت لانها عارفه ان عشري لسه مجاش
دخلت بهدوء و سابت الباب مفتوح قربت بصلها من جوه و ابتسمت
عشري…..بحب وحشتي قلبي
ليله…و انت وقفت قلبي حرام عليك يا عشري وطت مسكت ركبها
خرج وهو بيضحك شدها في حضنه
عشري….كنت بعملك مفجأه
ليله…..مفجأه ايه بس انا قولت مين دخل البيت
عشري….بضحك يعني خوفتي يكون في حد دخل البيت و جايه تبصي يا ام قلب جامد بدل ما تقفلي و تنزلي او تتصلي بيا
ليله….بابتسامه لا ماهو انا خوفت اه بس انا قلبي جامد فعلا مبعرفش اجري لازم ابص و عندي فضول بس سيبت الباب مفتوح يعني وبعدين انا شامه ريحة اكل عشان كده شكيت
عشري….بضحك يعني ريحة الاكل اللي فضحتني
ليله…ماهو مش طبيعي برضوا لو في حرامي هيدخل يطبخ
عشري….بضحك افرضي الحرامي جاع
ليله…..بضحك زي فيلم عودة الندله عبله كامل دخلت تطبخ و هي بتسرق
عشري….بضحك انا لما كنتي بتكلميني كنت مقرب من البيت بس كنت فاكر اني هاخد راحتي شويه و هتروحي توصلي نوني و نادين
لما لاقيتك بتقولي عسال هيوصلهم طرت
ليله….اه عشان كده اتصدمت لما قولتلك لا انا راجعه
عشري…..ايوه عشان عارف انك بتسوقي بسرعه و كنت عايز الحق اعمل انا العشاء
ليله….طب وتعبت نفسك ليه يا قلبي
عشري…..مفيش تعب ولا حاجه انهارده مشينا بدري و قولت اكيد هترجعي مقتوله فا قررت اعمل انا العشاء
ليله….بابتسامه تسلم ايدك يا عمري
عشري….الله يسلمك يلا روحي بقي خدي شاور انا مظبطلك الحمام و الچاكوزي فيه مايه سخنه ادخلي خدي شاور لحد ما الاكل يخلص
ليله…ماشي يا روحي بحبك
عشري….وانا بم*وت فيكي
دخلت ليله خدت هدومها و بعدين دخلت تاخد شاور كانت فاصله خالص قعدت شويه تريح جسمها و بعد نص ساعه خرجت كان عشري خلاص بيخلص و هيحط الاكل راحت وقفت جنبه و هي مش قادره حتي تساعده و بعدين حط الاكل في الاطباق و راحوا كلوا مع بعض.
………………….
في منزل احمد
اتعشوا مع بعض كلهم و البنات حكوا اللي حصل عملوا ايه و وصلوا الحاجه فين و فاضلهم ايه و هما سألوا نغم علي اللي حصل معاها في يومها و اعتذروا منها كتي انهم مقدروش يكونوا معاها بس هي كانت متفهمه جدا و يمكن كان نفسها هي اللي تساعدهم ..
