لقاء كارثي

تامر……تمام انا بس مش عايزها تزعل لو عرفت مش عايزها تحس اني اتفقت معاكي او كدبت عليها

مريم…..مش هتعرف يا تامر الموضوع بيني و بينك

تامر…..افرضي بعد فتره عرفت من رئيس التحرير ده

مريم….. ولا ده كمان اولا انا معرفش الشخص ده اصلا ولا عمري شوفته ولا هو كمان يعرفني انا اللي اعرفوا استاذ رزق رئيس التحرير ده يبقي ابن عمه تقريبا او ابن عمته مش فاكره و انا لما قولتلوا علي نغم قالي عيني و طلبت منه كمان انه ميجيبش سيرتي و عرفتوا ان نغم حابه تسعي بنفسي مش عايزه تحس اني بساعدها و ان كل اللي هعملوا كأني عرفت ان المكان ده محتاج صحافيين و قولتلها تروح تقدم السي ڤي بتاعها وتجرب قالي وانا مش هجيب سيرتك و لا اصلا هشوفها خدي اديها الرقم ده بتاع رئيس التحرير و انا هبلغوا ان في بنت معرفه هي حابه تمارس مهنة الصحافه و بس يعني مش عيزاك تقلق الموضوع بالنسبه لنغم هيبقي بعيد عني خالص

تامر…..امممم تمام يا مريم خلاص انا هتصرف بس انتي ليه بتعملي كده ؟

مريم…..عادي زي ما قولتلك ده كان حلم نغم و يمكن انا عمري ما ركزت معاها في احلامها جايز تعتبر ان ده تعويض او احساس بالذنب او اني حابه اعمل حاجه تريح ضميري بس صدقني مفيش حاجه من كل ده نغم غاليه عندي و بحبها بجد و عيزاها تبقي مبسوطه و توصل للحاجه اللي هي بتحبها بس انا عارفه ان هي لايمكن تقبل مني اي مساعده و لا عايزه تشوف وشي اصلا عشان كده حاله المساعده دي تيجي من ناحيتك انت بس

تامر….تمام يامريم انا هوصلها ده بطريقتي متقلقيش المهم انتي كويسه صحتك بخير مش محتاجه اي مساعده

مريم….بابتسامه انا زي الحصان متقلقش عليا

تامر…يارب ديما المهم انتي رقمي معاكي اي وقت تحتاجي اي حاجه كلميني و لو مش حابه نغم تعرف اكيد مش هعرفها

مريم…تسلم يا ابن الاصول وانا عارفه اني لو احتاجتك مش هتتردد بس انا بخير صدقني ركز بس مع نغم و خلي بالك منها ولو حسيت انها محتاجه اي حاجه كلمني

تامر….نغم بخير ومش محتاجه اي حاجه و اكيد لو محتاجه حاجه هعرفك اطمني هقوم انا بقي عشان الراجل اللي مستني ده

مريم….ماشي يلا علي مهلك

تامر….سلام عليكم

مريم…عليكم السلام

……………….

عند البنات كذا مكان و راحوا علي محل لانچيراهات يجنن وقفت ليله تبصلهم و هما واقفين الثلاثه جنب بعض و كاتمين ضحكتهم و نعيمه جنب ليله ميته من الضحك