لقاء كارثي

ايمي….اطمن مفيش حاجه تتعمل والله و اصلا عمرو جايب حد يفرش المطبخ و اللبس و كل حاجه اطمن

رشيد…تمام يا قلبي المهم لو احتاجتوا اي حد متمسكوش حاجه انا هتصرف اتفقنا

ايمي….اوك يلا كل بقي عشان اخلص واقوم البس

رشيد….يلا بينا

………………

عند نعيمه قامت من النوم كانت لسه تعبانه و عايزه تنام تاني بس مكانش ينفع تنام عشان تنزل بدل نادين و متسيبش نغم لوحدها

قامت خدت شاور و مقدرتش حتي تفطر بصت علي القطه كانت نايمه جوه البوكس بتاعها بس هي سايبه الباب مفتوح مش قفلاه قربت منها قفلت الباب عشان تعرف تكلمها

نعيمه….صباح الخير يا قلبي عامله ايه النهارده بصي انا هحطلك اكل و ياريت تاكليه كله عشان ده فيه الدواء عشان تخفي انا هروح الشغل و هسيبك بس متخافيش انا هرجع تاني اتفقنا لو ينفع اخدك معايا زي امبارح كنت خدتك بس مش هينفع خلي بالك من نفسك و متعمليش شقاوه اتفقنا الاكل اهو ابقي اخرجي كلي و هسيب الباب بتاع التويلت مفتوح عشان لو عملتي بيبي اوك

هتوحشيني اوي يلا باي

قامت بهدوء و رجعت فتح الباب تاني ليها و جريت بسرعه علي الباب و نزلت..

ركبت عربيتها و اتحركت علي المخزن وصلت هناك فتحت مكانش في حد خرجت بره عشان الشبكه و اتصلت علي نادين

نادين…..صباح الخير يا نوني

نعيمه…..صباح الخير يا قلبي

نادين… انتي نزلتي المخزن ولا ايه

نعيمه…اه بس ملاقتش نغم هي بتيجي امته المفروض

نادين….بصي انا لسه حالا قافله مع نغم و كنت هتصل عليكي عشان اقولك متروحيش

نعيمه…ايه ده ليه في حاجه

نادين….لا انتي عارفه ان هي امبارح خدت الشقه و تامر راح معاها خدوا العفش بقي والحجات دي من الشقه بتاعتها و انهارده هي اتصلت بيا تستأذن لو ينفع تتاخر شويه عشان عايزه تظبط الببت و المفروض تامر راح الوقت مع فني تكييفات هيفك من هناك التكيفات و يرجع يكبهم وهي حابه تخلص قبل ما يجوا لان واضح ان هي هتنقل انهارده خلاص فا قولتلها لا براحتك و خليكي و هي غالباً معندهاش علم ان انا هنزل مع البنات و بصراحه محبتش اقولها عشان متبقاش مكسوفه او شايله الهم و كنت هكلمك بس انتي سبقتيني و معرفس انك هتنزلي بسرعه كده

نعيمه….لا عادي انا بس بكلمك لاني معرفش هي بتنزل امته قولت اسألك خليها خلاص

نادين….ماهو انا مرضتش اقول حاجه البنت واضح ان هي فرحانه بالبيت الجديد محبتش اضايقها