لقاء كارثي
لقاء كارثي
ليله….كلهم يجننوا و هتاخدهم
سلمي….بضحك انا بسمع كلامكم بس مش عارفه هلبسهم ازاي
ليله…هتلبسيهم غصب عنك اول مره هتتكسفي بعد كده هتتعودي و هتنزلي تجيبي لوحدك تعالي انتي بقي
خدت ايه و راحت تختار معاها راحوا البنات وراهم بعد ما خلصوا
فضلت ليله تطلع و تفرجها و رجعوا تاني فطسوا من الضحك علي تعليقات ايه.
ايه…..نهار اسود و منيل انا هلبس الكلام ده
ليله…اه يا اختي هتلبسيه مش عايزه تتجوزي انسي بقي الكاچوال و الفري سايز و لبس الاطفال
ايه….بضحك طب وايه ده هلبس ازاي ده اصلا يعني معنديش مشكله في اللانچيري بس الفتله ده هيتلبس ازاي و المصحف الدا ده انا ابقي مهزقه ده لو دي دماغ سلامه و الله اسيبوا يخوني احسن
فطسوا من الضحك علي ايه
ليله….متلبسيش دول يا ستي هنجيب الوقت اطقم داخليه تمشي معاهم
ايه…..ماهو انا لو اتشعلقتوا مش هلبس الفتله ده انا عندي ملبسش خالص اكرملي
ليله…..بضحك يابت هو بيجي معاه متتعبنيش انا عن نفسي مش بلبسهم مرمين في الدرج
ايه….ماهما لازم يترموا دي الحظاظه اللي في ايدي اعرض منهم بذمتك ده هيداري ايه
نعيمه….بضحك فضحتينا يابعيده
ايه…..بضحك انا اللي فضحتكم و المنظر ده لا انا راضيه ذمتك انا البس البتاع ده والله ما اتجوز فيها قال وانا اللي بقول رجلي رفيعه مش هلبس قصير هتلبسوني فتله يا شيخه بلاش تهزيق بقي ابو الجواز للي عايز يتجوز
ليله….بضحك يا حيوانه افهمي في منهم هيتلبس و حلو وفي منهم متلبسيهمش عادي و بعدين مركزه مع ده ليه ركزي في اللانچيري
ايه….بضحك لا والشهاده لله اللانجيري قمه في الاحترام
ليله….ض*ربتها في راسها اقولك انا غلطانه ابقي اقعديلوا باسدال
ايه….بضحك خلاص استني ميبقاش خلقك ضيق انا مقولتش حاجه بس اختاري حاجه تالبس عدله
ليله….قولتلك ملكيش دعوه بدول ركزي في اللانچيري بس
ايه…..منك لاه يا سلامه الكلب مش كفايه القاعه هتقفل تسعه كمان هلبس فتله
ماتوا من الضحك و البنات اللي في المحل كانوا فطسانين من الضحك هما كمان و بعد عذاب و ضحك و ليله و نعيمه جالهم صداع و تعبوا اختارت ايه كل اللانچيري اخيرا و اختارت لون ابيض للدخله زي نادين
خلصوا و كملوا لف اشتروا حجات كتير تاني شتوي و اشتروا شوزات و شنط و حجات كتير اوي الساعه بقت سته و جاعوا جداً و في نفس الوقت مكانوش عايزين يروحوا مكان عشان الوقت ميضيعش منهم ويكملوا قرروا يجيبوا ساندوتشات و ياكلوا في العربيه و يرتاحوا شويه و بعدين يكملوا تاني.
