لقاء كارثي

نغم…..تامر

تامر……هااا

نغم…..الراجل مشي ممكن بقي تحاسبني

تامر….بصلها و هو رافع حاجبه احاسبك علي ايه يا نغم بالظبط؟

نغم……علي كل حاجه يا تامر انت من امبارح عمال تقولي بعدين بعدين روحنا جيبنا العفش و جيبت عربيه و عمال و حاسبتهم و مرضتش تحاسبني وانهرده روحت جيبت بتاع التكييفات و عمال تاني و عربيه تاني و نقلت التكييفات من هناك لحد هنا و خلصنا الحمد لله ممكن بقي بعد اذنك تحاسبني

تامر…..لا مش ممكن با نغم عشان اللي بتقوليه ده عيب

نغم….هو ايه اللي عيب بالظبط يا تامر ده حقك و بعدين كفايه اوي مجهودك و وقتك اللي ضايع و العطله اللي انا معطلهالك كفايه كده

تامر….اولا انتي لا معطلاني و لا مضيعه و قتي ولا ده مجهود اصلا انا قايلك اني واخد بريك كام يوم من الشغل لاني سلمت كل شغلي و لسه مبدأتش شغل جديد يعني فاضي تاني حاجه عيب نتكلم في حجات بسيطه زي دي

نغم….لا مش عيب و دي مش حجات بسيطه دي فلوس كتير بص يا تامر انت و عمو احمد و ايه و سلمي و اي حد عرفتوا عن طريقكم مقصرتوش معايا كلكم ساعدتوني كتير و انتوا بالاخص ساعدتوني في كل حاجه سواء في فتح بيتكم ليا تحمل مشاكلي مساعدتي في كل حاجه في مشكلتي من نيابه لمحامي لمصاريف لتصليح موبايل لموبايل جديد كل حاجه حتي فلوس شخصيه ليا مقصرتوش بس انا الحمد لله بقيت اشتغل و معايا فلوس و انا لو محتاجه انتوا هتبقوا عارفين كل حاجه عني بس انا حاليا رينا كرمني و وقف معايا و بجد خلاص مش محتاجه و موضوع الفلوس ده ضاغط عليا جدا يا تامر انا مش كده و كنت مضطره اني اسكت عشان مكانش معايا بس اكتر من كده هيبقي استغلال و انا مش كده والله فا ريحني من فضلك و خد الفلوس علي الاقل عشان يوم ما احتاج حاجه اقدر اطلبها منك او منكم عموما لكن بالشكل ده انا عمري ما هطلب منكم حاجه و هبقي مكسوفه بجد فا عشان خاطري بلاش تخليني احس ان حملي تقل اوي عليكم حتي لو انتوا مش مضايقين و بتعملوا ده من قلبكم و دي حاجه انا متأكده منها بس انا اللي هضايق بجد عشان خاطري خليني اتعامل معاك براحتي

تامر…..هاااا خلصتي ارد

نغم…..اه خلصت

تامر…..حطي فلوسك في شنطتك

نغم….يا تامر ارجوك والنبي افهمني

تامر….انتي سمعتيني

نغم…..سمعتك بس مش موافقه

تامر…تمام متوافقيش بس فلوسك هتتحط في الشنطه و نبطل هبل عشان متعصبنيش