لقاء كارثي

نادين…..براحتك بس بقول ننجز وقت واجيلك عليهم بدل ما تتعبي

ليله….مفيش تعب ملكيش دعوه بيا شوفي اللي يريحك ايه

نادين……هو انا اجي بالعربيه و لا كفايه انتي وسلمي

ليله…..لا كفايه انا وسلمي لان في اماكن مش بيبقي فيها ركنه

نادين…..طيب لو كده خلاص لو نفع تعدي تاخديني تعالي و انا هروح ابص علي نوني و نغم و بعدين نروح مع بعض

ليله…طيب تمام اتفقنا يلا كملي بقي و اجهزي

نادين…ماشي يا لولي باي

ليله….باي يا قلبي

……………………..

عند ايمي و رشيد

ايمي…..رشيدددد يلا يا حبيبي الفطار جاهز

رشيد….خارج خلاص اهو

خرجت ايمي علي بره جهزت باقي الفطار شويه و خرج رشيد

رشيد….انتي ملبستيش ليه ؟

ايمي….كنت بجهز الفطار بقولك ايه ما تروح انت يا قلبي شغلك وانا هروح انا وچوي براحتي

رشيد….لا خلصي و هستناكي البسي علي اقل من راحتك

ايمي…..طيب ممكن افهم ليه تحكيم الرأي ده

رشيد….مش تحكيم راي بس انا مش هخليكي تسوقي

ايمي…. ايوه يا رشيد بس انت مخليني اروح من بدري اوي

رشيد…..مش بدري ولا حاجه امبارح قولتي ان عمرو و محمود هيجيبوا الحاجه ينقلوها بدري و اهم وصلوا واختك هناك روحي اقعدي معاهم بقي و قضي اليوم براحتك من اوله وانا هوصلك و بليل هخلص واعدي عليكي

ايمي…..ماشي طي روح وانا هخلي محمود شويه و يجي ياخدني

رشيد….اه ولما تتصلي تلاقي محمود تعبان من حوار النقل ونايم هتتصلي تقوليلي هروح انا و انا هقولك لا و هتزعلي يبقي ليه يلا خلصي عشان انا اللي هوصلك

ايمي….يا باااااااي

رشيد….بأبتسامه عليكي

ايمي….رخم اوي علي فكره

رشيد…. خايف عليكي يا قلبي والله مش قاصد ارخم

ايمي….يا رشيد عارفه بس انا لسه هجهز و البس هأخرك

رشيد….انا اشتكيت اتأخري براحتك ويلا بقي خلينا نفطر انتي اللي بتضيعي وقت اهو

ايمي….طيب

رشيد…..ايمي

ايمي….نعم

رشيد…..عشان خاطري بلاش تعملي اي حاجه ولا تتعبي نفسك امنيه لو محتاجه مساعده چوي موجوده و لو في اكتر من حاجه تتعمل اتصلي عليا و انا هتصرف و هبعتلكم حد يساعدكم

ايمي……مفيش حاجه تتعمل اصلا يا قلبي زوزو قالتلي ان هما لما جابوا الحاجه الصبح ركبوها علي طول

رشيد…عارف يا قلبي و مقصدش انك متساعديش امنيه انتي و هي اصلا المفروض متعملوش حاجه عشان متتعبوش و زوزو مش هتقدر و چوي مش هتقدر برضوا لوحدها