لقاء كارثي
لقاء كارثي
ليله….اكلوني بدل ما افضحكم هقع من طولي خلاص
نعيمه….احيه رجلي و جعتني ابو الجواز للي عايز يتجوز والتاني يقولي شرط طب وحياة امك يا فضل لا انا اللي هتشرط عليك بعد المرمطه دي كلها
ضحكوا كلهم علي نعيمه
سلمي…..استنوا انا هجيب الاكل
ليله….بضحك بتتلكي للواد يا واطيه
نعيمه…. تعبت يا لولي الحواز طلع متعب
ليله…..المشكله ان هما كل واحده فيهم ناقصها حاجه مختلفه و اللي ناقصهم زي بعض بنحاول منجيبلهمش زي بعض
ايه….بس احنا انجزنا علي فكره كتيير حتي الشتوي انا متوقعتش نجيبه كله منزل صيفي خلاص
ليله…..لا في ناس ليه عندها و بعدين اللي جيبتوا كفايه ابقوا هاتوا بقي جديد الشتاء الجايه
نعيمه….ايوه صح ابداوا الشتاء الجايه بدول بس و بعد كده جيبوا
انا الحمد لله عندي لان وقت ما انزل اجيب حاجتي مش هلاقي شتوي خالص
نادين…ابقي جيبي جديد برضوا الشتاء الجايه
نعيمه….انا هعمل كده ان شاء الله
شويه و سلمي جات و معاها الاكل كلوا و بعدين كملوا تاني
………………
عند نغم في بيتها الجديد.
من بدايه اليوم و هي عماله تنضف و تظبط و ترتب و ترص العفش و تمسح المكان ظبطت كل حاجه و تعبت جدا رجع تامر معاه الراجل و بدأوا يركبوا التكييفات خدوا وقت في تركيبه حوالي ساعتين ونص لانهم بيركبوا اتنين بالوحدات بتاعتها و بيجربوا و بيظبطوا الفريون احد ما خلص خالص
نغم….بهدوء تامر ممكن لحظه
تامر….ثواني جايلك
بعدت نغم شويه و استنت يجي دقيقه وقرب منها
تامر….ها في ايه
نغم…ااا امسك دول عشان تحاسب الراجل و شوف حسابه كام انا مش بعرف في الحجات دي
تامر…..طيب اولا ايه كل ده ؟
نغم….ماهو انا مش عارفه المفروض بياخد قد ايه انت حاسبه بقي و خلي الفلوس معاك
تامر….حطي فلوسك في شنطتك يا نغم مش وقته
مسكت ايده بسرعه قبل ما يسيبها و يمشي
نغم…..تامر استني بالله عليك عشان خاطري ريحني وخد الفلوس لانه مش هينفع خالص بجد كفايه اوي كل حاجه اتعملت معايا لحد الوقت
تامر…..اوعي يا نغم وسعي وبعدين انتي في حاجه في دماغك ولا ايه
نغم…تامر عشان خاطري لحظه بس
تامر….لحظه انتي الراجل واقف خليني احاسبه و يمشي و بعدين نتكلم
بصتلوا بهدوء و سابته يمشي راح تامر للراجل وقف معاه شويه بيجربوا التكييفات و بيطمنوا ان مفيش تسريب للفريون و بعدين حاسبه و خرج معاه بره وصلوا و وقف معاه شويه بيتكلم معاه و مشي دخل تاني تامر بص علي التكييفات و سابها شغاله شويه زي ما الراجل قاله عشان يتابع بتفصل ولا لا قربت منه نغم.
