لقاء كارثي

ليله….بنظره تجنن امال ايه الهدوء ده

عشري….الطريق فاضي و هادي يا بلطجيه قوليلي فينك انتي

ليله…..مروحه خلاص روحنا قابلنا سلامه وميدو و خدوا الحاجه وبعدين مشيت

عشري…..لسه هتوصلي البنات صح

ليله….لا راجعه علي طول ميدو راح يوصلهم

عشري….بصدمه بجد

ليله….اه والله ليه في حاجه

عشري…لا مفيش بحسبكم هتوصليهم

ليله…ماهو قالي روحي انتي و بيني وبينك انا مهدوده

عشري…. صوتك باين عليه اصلا شكلك تعبتي

ليله….انا فصلت يا عشري همو*ت واخد شاور دافي هايزه اقعد في الچاكوزي و اناااااام لا حاسه بضهري ولا رجلي و لا رقبتي ولا اي حاجه

عشري……بأبتسامه فوده لروحك احلي مساچ لما ترجعي

ليله….بابتسامه مبتصدق انت

عشري….طبعاً امي دعيالي

ليله….بضحك ماشي يا سيدي انا هوصل علي طول و اعمل العشاء و هستناك

عشري….انا قايلك الصبح متعمليش حاجه انا هجيب و اصلا جيبت خلاص روحي ارتاحي

ليله….ماشي يا عمري وحشتني يا قلبي

عشري……وانتي وحشتيني اكتر علي مهلك و سوقي براحه و حياة عشري

ليله…..حاضر يا روحي بحبك

عشري…..وانا ام*وت عليكي

ليله…..بضحك طب سلام بقي عشان شكل شيطاني انا اللي هيصحي

عشري…..بضحك بلا باي

ليله….باي يا قلبي

……………….

عند زوزو وصل رشيد و حطوا علي طول العشاء بارك لامنيه و عمرو و فضل يضحك علي عمرو و محمود عشان شكلهم كانهم واكلين علقه

بعد ما خلصوا العشاء عملت امنيه قهوه و قعدوا مع بعض عشان يشوفوا محمود هيقولهم ايه

رشيد….خير يا عم حودا موضوع ايه بقي المهم اللي حابب تكلمنا فيه

محمود….بابتسامه جميله هقولكم بصراحه كده انا ناويت اريحكم مني و ارتاح من زن زوزو وحماده و الجوز دول و اكمل نص ديني

كلهم ابتسموا و نظره ماريز وحماده ليه كانهم ما صدقوا

حماده….الله اكبر اخيرا و مين سعيده الحظ دي

ماريز….ولا انت عارف لو بتضحك عليا ولا ده لو مقلب والله همسك ابدك هعضها و مش هسيبها

رشيد…..استني بس شكلوا بيتكلم جد

محمود…..بضحك والله بتكلم جد

عمرو…. بابتسامه وساكت من بدري ليه

محمود……مش ساكت ولا حاجه والله يمكن الموضوع مش بقاله كتير بس كنت حابب اتاكد اكتر عشان لما اتكلم ابقي عارف اللي جوايا صح

حماده….طيب قولي مين نعرفها بنت حلال

محمود بابتسامه بص لايمي و سكت ثواني