لقاء كارثي

ريهام….طيب نام بقي ولا لسه وراك حاجه كمان

محمود….لا مفيش خلاص انا هنام قولت بس اطمن عليكي واعرفك اني مش هقدر خالص اعدي عليكي

ريهام….لا طبعا متجيش ارتاح المهم انت كلت

محمود….اه الحمد لله كلت وخدت شاور وصليت و ظبط الدنيا انا بكلمك وانا عالسرير اصلا

ريهام…طيب خلاص نام انت بقي

محمود….انتي كويسه مش محتاجه اي حاجه

ريهام….لا خالص سلامتك

محمود…انا كده كده مش هطول ان شاء الله يعني كام ساعه كده واصحي و هبقي اعدي عليكي

ريهام….لا متعديش ريح انهارده و خليك بكره و انا بأمر الله لما اخلص لو انت صحيت هعرفك اني ماشيه لسه نايم هبعتلك مسدچ

محمود….لا هصحي ان شاء الله و افوق كده و هعدي عليكي خليني بس انام و هشوف هنعمل ايه

ريهام….تمام

محمود….. ماشي يا قلبي خلي بالك من نفسك

ريهام…. بابتسامه حاضر

محمود….باي يا حبيبتي

ريهام….بسعاده باي يا حودا

……………..

وصل البنات علي اول محل كان دورين في جميع اللبس البيتي الصيفي بچامات و برمودات و شورت و كاشات طبعاً ليله كانت نازله مع ثلاثه ابيض يا ورد حتي سلمي اللي تبان مفتحه عنهم كان ضاربه لخمه و مش عارفه تعمل ايه او المفروض تجيب ايه ليله كانت حاسه ان هي نازله مع اطفال

دخلوا المحل و كان في حجات تجنن

ليله…..بصوا بقي عشان ننجز كل واحده فيكم تقولي ايه اللي عندها و ايه اللي ناقصها خلينا الاول في البچامات البنطلون و الشورت مين فيكم عندها ومين لا سلمي انا مش عايزه بنطلون عندي كتير ممكن كان واحده شورت لان عندي برضوا

ليله….طيب روحي معاها يا نوني خليها تختار البچامات الشورت عشان نخلص منها

نعيمه…..يلا قدامي

ايه….انا لا عندي ده ولا ده يعني ممكن من كل حاجه اتنين او تلاته

ليله…طيب خليكي انتي كده جنبي وانتي يا نودي

نادين….هو انا عندي و مش عارفه عندي قد ايه بس كتير يعني ممكن بس لو حاجه لفتت نظري اشتريها

ليله….طيب يبقي خلصنا منك انتي كمان تعالي بقي انتي معايا كده و خلينا نختار وانتي يا نادين شوفي لو حاجه عجبتك هاتيها

نادين…..اوك

خدت ليله ايه و نادين و بقت تلف بيهم و هما يختاروا و سلمي كانت مع نعيمه بتختار و جابت كذا حاجه

نعيمه….كفايه كده يا سلمي دول حلوين مع اللي عندك عشان ميبقاش كله بچامات

سلمي…طيب اوك هنعمل ايه تاني