لقاء كارثي

عشري….بضحك و ليله دي كمان تجنن و هي مكسوفه كده

ليله…..بص هتلم نفسك ولا ازعلك

عشري….بضحك لا خلاص هلم نفسي يلا بينا

ليله…..بنظره جميله يلا

نزلت و هو كمان نزل خد الشنط و بعدين طلعوا علي فوق شالت ليله الايس كريم في الفريزر و بعدين دخلوا خدوا شاور و غيروا و طلعت هي قبله علي السرير راح عشري قفل الباب و اكد علي كل حاجه و بعدين راح الاوضه طلع جنبها

كانت بتظبط المنبه

ليله….حبيبي انا هصحي علي الساعه عشره كده انت مش هتصحي بدري صح؟

عشري…..لا هصحي مش هفضل لوحدي انا وانتي مش موجوده خليني انزل بالمره المهم انتي ليه هتصحي بدري اوي كده

ليله….سابت الموبايل و بصتلوا نام في حضنها عشان هلبس و اظبط نفسي هنزل علي 11 وعلي ما اوصل يكون الضهر اذن و نلحق بقي مشاويرنا دي فيها لفه كبيره متنساش ان ايه و سلمي و نادين الثلاثه هيشتروا و ده مش شوبينج عادي ده جهاز يعني عشان نلحق

عشري….ماشي ياروحي المهم وسط المشاوير دي كلها ياريت تاكلي

ليله…..حاضر هاكل

عشري…..بكره متعمليش اكل اتغدي انتي مع البنات وانا هتغدي في الكافيه و بليل هجيب عشاء اوك

ليله….تمام ياروحي

عشري….بصلها و حط ايده علي شفايفها هي الاخت دي بقي هتفضل مشرفانا كده كتير هتخلص امته مش عارف انام

ليله…..بابتسامه ما انت في حضني اهو عايز ايه اكتر من كده

عشري…..بضحك لا هو انا عايز اكتر من كده عايز المنوم بتاعي زهقت منها طولت اوي

ليله….علي فكره بقي انت نصاب يا عشري عشان هي مطولتش ولا حاجه دي لسه جايه اول امبارح
الصبح

عشري…..طب ده حلو اوي كفايه كده 48 ساعه ده ظلم علي فكره

ليله….بضحك قدم طلب طعن لو معترض

عشري….انا موافق بس احط الطلب فين؟

ليله……بضحك حضنت راسه وسسسسسسخ

عشري….بضحك الله مش بسأل و بعدين انتي اللي دماغك وسخه انا اقصد اروح انهي مصلحه حكوميه

ليله…..بضحك هقولك بس مش الوقت ممكن ننام بقي

عشري…انا نايم غمضي انتي

ليله….لا انا عايزه احضن

عشري…..مليش دعوه انا نمت في حضنك الاول

ليله….ايه الرخامه دي طب قوم مش وخدتك في حضني

عشري….لو عرفتي تحركيني بقي

ليله…..بضحك لا هعرف علي فكره اوعي تفكر نفسك كبير عليا

عشري…..طيب يلا وريني هتعرفي ازاي انا كلبشت خلاص انسي

ليله….باست راسه بحب كلبش يا قلبي ولا يهمك بس اول ما تنام هسيبك واقوم خالص