لقاء كارثي

رشيد….بطريقه مضحكه في ايه يا عم بتبص لايمي كده ليه هي سعيده الحظ ولا ايه

ايمي…..بضحك اه انا العروسه

محمود…بضحك لا استني بقي اه تعرفوها وانت بالاخص يا رشيد تعرفها ريهام

بصلوا رشيد بصدمه

رشيد…..ريهام مين ريهام اخت سلامه وميدو و لا

محمود….بابتسامه مفيش ولا هي بعينها

رشيد….ببتسامه احلف بالله

محمود….بضحك والله العظيم

رشيد….يا واااااطي امته ده و حصل ازاي

ماريز…..بسعاده بنت حنان انت بتتكلم جد يا محمود

محمود…..بضحك في ايه يا جدعان مالكم مصدومين كده ليه هي والله

ماريز……انا فرحانه كفايه انها بنت حنون تعالي يا واد هات بوسه

محمود….بضحك كنتي عايزه تعضيني من شويه

ايمي…..بضحك اطمنت يا اخويا

رشيد….بابتسامه انتي شكلك كنتي عارفه عشان مش متفاجئه صح

ايمي…..باباسامه صراحه اه كنت عارفه بس اخويا امني علي سر افضحوا

رشيد….يا ولاد اللعيبه

حماده….الله اكبر الله اكبر اخيرا

امنيه…هتبقي عريس يا حووودا

محمود…..بابتسامه طيب ايه قولوا حاجه ايه رايكم

رشيد….راي ايه بقي انت شكلك مقرر و بعدين الراي بتاعك

محمود….هو صحيح انا عارف انا عايز ايه بس يهمني اعرف رايكم

حماده….لو عليا انا نوافق طبعا البنت بنت اصول ومتربيه و محترمه و اعلها ناس مفيش زيهم الله اكبر

ماريز….وانا موافقه طبعا دي حنان حبيبة قلبي و ولادها كلهم حبايبي مش هنلاقي احسن منهم

امنيه….بسعاده شوف عينه بتلمع ازاي

عمرو…..بضحك اه شكلوا مبسوط صراحه ريهام طيبه انا عرفتها اكتر لما سافرنا مع بعض و محترمه و مامتها بجد ذوق وهاديه وطيبه و حنيه و اخواتها حبايبي الله يسعدكم يارب

امنيه….ريهام جميله و لايقه عليك اصلا و بحبها اوي بتاخد راينا في ايه انت

محمود…طيب وانت يا رشيد

رشيد… بضحك لابره عني انا المهم انت

محمود…ما قولتلك انا عارف انا عايز ايه بس قولي رايك انت و مش عايزك تزعل مني او تفكر اني عملت حاجه مش صح والله لان عارف ان ريهام اخت صحابك

رشيد….لا لا انا مش بتكلم عن كده وعارفك يا محمود و واثق فيك كفايه انك عايز تاخد خطوه انما لو هتسالني عن ريهام و اخواتها و حنون انا شهادتي فيهم مجروحه يا محمود يعني لو اتكلمت في حقهم من هنا لالف سنه ممكن تفكروا اني ببالغ و يمكن موفيش حقهم البت طيبه و محترمه و متربيه الف مره امها دي ست الكل لا ليها في مشاكل ولا بتدخل في حتجه و الحنيه اللي ربنا زرعها في قلبها حقيقي تدرس و اظن كلكم عرفتوا الست دي فتره و عارفين هي بتتعامل ازاي مع الكل ومع ولادها ولو علي اخوانها بعيداً خالص عن انهم اخواتي واصحابي و حياة غلاوة ايمي عندي مش بكدب في حرف بس سلامه وميدو و مصطفي رجاله بجد لو ناسبتهم مش بس هتكسب ريهام كازوجه محترمه انت هتكسب عيله بجد حقيقيه عيله الحب في قلوبهم يفيض و يكفي انا مش عارف اقول ايه اكتر بس هما شبهكم يا حودا نفس الطيبه والاصل الطيب و الحب اللي من غير مقابل لا هيبقي في بينكم مشاكل او خلاق ولا هما بتوع الكلام ده