لقاء كارثي

ليله……بضحك و كمان بتقلي ادبك ده انا هنفخك و امسك شعرك اللي فرحانه بيه ده اعملوا شرشوبه

ايه….بضحك هقصه عشان خاطر عيونك لو هتعفي عني خلاص بقي قلبك ابيض

ليله……طب انزلي انتي وهي بلاش شغل القرود ده

ايه….طب اوعي تض*ربي

ليله….طب اخلص يا بومه علي رأي سلامه الحو تحت كله تراب ربع ساعه بسحب تراب الرئه هتنفجر

سلمي….قولتلك اطلعي مرضتيش

ايه….بضحك عامله دماغ راياح زي الفل اهي دي لما تعطس مش هتخرج رزاز دي هتخرج تراب هتنفض الرئه

ضر*بتها لياه وهي بتضحك

ليله…..الله يقرفك

ايه…..اااااااه يا مفتريه زي جوزك جسمي باظ و الله هأجل الفرح

ليله…..انتي يا بت بتتلككي محدش هيتجوز غيرك كل شويه هاجل الفرح يا اخي ان شالله عنك ما اتجوزتي احنا عايزين نجوزك بس عشان الراجل الغلبان ده يرتاح من وشك

ايه…..يرتاح ايه ده مش هيقدر علي بعدي صح يا بابا

احمد…..بضحك صراحه صح ياليله مش هقدر

ليله….بضحك مش وقت قلبك الطيب ده خليك في صفي

احمد….بضحك ايوه صح يلا يا بت انتي وهي انزلوا البت سايبه بيتها و شغلها و جوزها عشانكم

ليله…..مفيش دم عماله تسبسب في شعرها

احمد….ربنا يسعدكم يارب و يخليكم لبعض يا حبايبي

ليله….ويخليك لينا يا حمودي يا قمر

احمد…..تشربي ايه بقي

ليله…. احيه عليا بعد كل ده لسه هتضايف ابعد عن وشي السعادي يا حمودي هلاقيها منك و لا بناتك قدامي يا بت انتي وهي

فضلوا كلهم يضحكوا علي ليله ونزلوا و خرجوا جري علي بره

ليله….امسك عصايتك يا عم حمودي كملت بضحك يلا يا حبيبي سلام

احمد…..سلام يا حبايبي خدوا بالكم من بعض

سلمي….ماشي يا حبيبي باي

ركبوا الاسانسير

ايه…..بابتسامه غمزتلها بس ايه القمر ده اووووعي

ليله….وحياة امك مش طيقاكي برضوا

سلمي…..هاتي بوسه طيب مسلمتش عليكي و انتي موززه كده

ليله…..هاتي يا اختي اتعلمتي منها

سلمي….والله هي اللي بطيئه بتظبط الكيرلي

ليله….الكيرلي اه هقصه قريب

ايه…خلي سلامه ينفخك لو جيتي جنبه

ليله…عليكي وعلي سلامه بتاعك بت انتي وهي شكلكم كده فكرتوا اني اتجوزت و بقيت كيوت و مردبه فا خدتوا عليا انا بقي هرجعلكم ليله القديمه تاني يا تربيه وسخه منك ليها

ايه….بضحك اه والله خلي ليله دي كيوت ايه و بتاع ايه

فتحوا وخرجوا

ليله….هي فين نغم صحيح