لقاء كارثي

سلامه….لا تعالوا معانا عشان نفرجكم كده علي البيت و هما يستنوا هنا

ايه….لا بقولك ايه انا لا بتاعت مفاجات ولا نيله هطلع معاكم لما تيجوا تفرشوا مش هاجي

نادين…. بابتسامه اه وانا كمان عايزه اتفرج و بعدين هي لسه مش فيها فرش يعني فاضيه

عسال…. بابتسامه حب طيب تعالي يلا

سلامه…..اعوذ بالله تصدقي انا غلطان و اقولك ابقب تعالي يا اختي و هما بيفرشوا كمان ابو اللي عايز يفاجئكم منك ليها

نادين…. بضحك طب وانا مالي طيب

سلامه….انتي تسكتي خالص انتي كمان

نادين…..ميدو بيقولي اسكتي

عسال….بابتسامه قليل الادب

سلامه….بضحك قرب منه مين ياض اللي قليل الادب

ليله….لا اسمعنييييي انت وهو مش وقت جنان و الله اقلع الكوتش و ابقي حافيه و افضحكم خلص يا اخويا منك ليه انا ست متجوزه و عندي بيت و اكل و ليله

سلامه…..بضحك طيب خلاص هروقوا بعدين يلا بينا عارفين بقي حاجت كل واحد ولا هنفضل نفتح في الشنط

ليله…..لا عارفه تعالوا كده عشان انا اللي مظبطه كل حاجه لوحدها.

راحوا مع ليله و بدات تطلع الشنط و تقول كل حاجه بتاعت مين و شالوا معاهم و قفلوا العربيات و طلعوا الاول علي شقه سلامه حطوا الحاجه و فرجهم علي البيت ايه كانت ساكته بس مبتسمه و سعيده جدا الشقه بانت و بقت تحفه

البنات كلهم عجبهم البيت اوي و الديكورات الرقيقه الي معموله فيها كانوا عمالين يقولوا ماشاء الله و مبسوطين اوي و بعد كده طلعوا علي الدور اللي فوق و دخلوا شقه نادين و ميدو كانت تحفه هي كمان و زياده عليهم انها فيها روف لانها في الدور الاخير كانت تجنن نادين كانت مبسوطه اوي و عامله زي الطفله عماله تتفرج و هي ماسكه في ايده و البنات عجبتهم اوي اوي و كانوا طايرين من الفرحه عشان فرحتهم و بعد وقت مش طويل نزلوا علي تحت

عسال….ابه رايكم الشقق عجبتكم

نعيمه…..ماشاء الله الله اكبر تجنن ربنا يسعدكم يارب عقبال ما تتفرش

ليله…مبروك يا حبايبي قلبي تجنن والله وشيك و تامر عامل شغل و مجهود في الشقتين واضح و بجد تسلم ايدكم كلكم

سلمي……مبروك يا ميدو ليك و لسلامه و للبنات والله تحفه عقيال ما حسان يرضي عني و يخليني اروح اشوف البيت

سلامه…. بضحك مستحيل ده الفرش اتجاب مش هيرضي او فاجئيه بقي خبطي يلاقيكي قدامه

عسال …بضحك متعمليش كده عشان مش هيدخلك برضوا