لقاء كارثي

مريم…..تشرب ايه

تامر…..مش هينفع والله يا مريم تسلمي

مريم…..تمام زي ما تحب قولي في مشكله في البيت و لا بتنقل حاجه تاني

تامر…..لا مفيش مشاكل الحمد لله احنا نقلنا اللي نغم هتحتاجه امبارح و كنا بنفك تكييفات معرفتش افكهم امبارح زي ما قولتلك عشان مكانش معايا فني تكييفات

مريم…..طيب محتاج اي مساعده ولا خلصتوا

تامر…..لا كله تمام تسلمي

مريم…..طيب كويس انا هدخل في الموضوع علي طول عشان معطلكش

تامر….وانا سامعك

فتحت مريم الدرج طاعت منه كارت ومدت ايدها علي المكتب حطته قدامه.

مريم….امسك يا تامر

خد منها الكارت و بص عليه و بعدين بصلها

تامر…..ايه ده؟

مريم….ده رقم مكتب رئيس تحرير مؤسسه المصري اليوم بص يا تامر نغم طول عمرها بتحب الصحافه و درستها واتخرجت منها و كان حلمها بعد ما تخلص تشتغل في جريده كبيره او قناة اعلاميه او برنامج اخباري و فعلا اشتغلت فتره تحت التدريب بس فتره بسيطه اوي يمكن قعدت قبل ما تخلص تدريبها اصلا بسبب كل الظروف اللي حصلت و يمكن كانت شغاله في مكان مش معروف اوي

المهم يعني انا عارفه ان هي نفسها تكمل و نفسها تشتغل في مكان معروف وليه اسمه و ده زي ما قولتلك رقم مكتب رئيس التحرير انا كل اللي طلباه منك انك تاخد المارت ده توصله لنغم بس عيزاك متجيبش سيرتي ولا تعرف اصلا اني انا اللي وراها لان لو عرفت حتي لو دي فرصه بالنسبه ليها مش هتوافق خليها تتصل و تقول اسمها و تقول كمان انها تبع استاذ رزق هما هيعملوا معاها واجب كبير و هيدوها معاد

هتروح تقدم السي ڤي بتاعها و تشوف بقي هي حابه تشتغل تبع انهي قسم اكتر تغطي حوادث تغطي اخبار سياسيه او اخبار عن الفن و علي الاساس ده هتنزل تدريب فتره في القسم اللي حابه تشتغل فيه و بس

تامر….بص للكارت و رجع بصلها ايوه بس نغم اكيد لما اروح اديها الكارت ده هتعرف ان انتي اللي وراها

مريم…..ماهو انا مش بقولك روح اديها الكارت انهارده يا تامر ممكن بكره او بعده

تامر….. تمام حتي لو نغم ذكيه مش غبيه هي عارفه ان ده مش مجال شغلي و لا مهتم بيه فا طبيعي انتي اللي هتيجي في بالها

مريم….لا من الناحيه دي اطمن نغم عارفه ان انا برضوا مليش علاقه بالصحافه اصلا و لا هو مجالي و لا مهتمه بيه و كمان متعرفش مين رزق اللي هتقول انها من طرفه انا عمري ما جيبت سيرته قدامها يعني لا هتشك فيا ولا هتعرف اني تبعه عشان كده بقولك متروحش انهارده تديها الكارت لان هي هتفهم انك شوفتني و انا اديتك الكارت بص يا تامر انا عمري ما ادخلت في شغل نغم او دراستها ولا حتي بكل معارفي دي عمري جيبتلها واسطه ولا كان في دماغي اي مساعده ليها لما نزلت تدريب قبل كده هي اللي سعيت و جابت الشغلانه بنفسها انا مساعدتهاش هي عارفه كويس اني مليش في الجو ده و مش بيفرق معايا غير شغلي فا اكيد مش هاجي في بالها عشان كده عيزاها تيجي منك او من اي حد تبعك نغم اتعرفت عليه يعني انا عرفت انها نزلت اشتغلت كأن اي حد تبعكم هو اللي حب يساعدها لو مش عايزها تييج من عندك او مش عارف تجيبها ازاي اكيد هتلاقي حل يعني