لقاء كارثي
لقاء كارثي
ايمي…..بصراحه هما يجننوا كلهم رشيد مش بيبالغ يمكن هو معاشرهم امتر مني بكتير بس انا اشهد ليهم بكل حرف قاله عنهم
ماريز…….الجواب بيبان من عنوانه و حنان ست جميله و محترمه وراقيه و ذوق وانا بحبها اوي
محمود…..طيب الحمد لاه ان ده راي الجميع و اللي انا اصلا واثق منه
رشيد….اتكل علي الله ياحودا لو واثق من مشاعرك و اهم حاجه تكون واثق من مشاعرها وانا عارف انك هتبقي مبسوط معاها ودي اهم حاجه
محمود….بص هو بصراحه انا واثق من مشاعرها و كل حاجه وظه اللي هلاني اتكلم معاكم انهارده لاني بصراحه مش هقول اني حابب استعجل في الموضوع بس حابب الموضوع يكون رسمي اكتر
حماده….علي خيرة الله اتكلم يا ابني مع اخواتها و فاتحهم في الموضوع و شوف رايهم لو في قبول و موافقين مفيش داعي تستني خد منهم معاد و نروح نطلب ايدها
رشيد…بضحك ياولاد اللعيبه عندنا فرح جديد يعني
ماريز….ربنا يكتر افراحكم يارب و يفرحنا بيكم كلكم كفايه بقي ده تعب قلبي معاه
حماده…..كل حاجه في وقتها ده نصيب و لسه مكانش ربنا اراد و المهم انه لما عقد النيه اختار صح
ايمي….بابتسامه هيبقي احلي عريس يا نااااس
عمرو….مبروك يا حودددا عقيال ما نفرح بولادكم كمان يارب
محمود….بسعاده حبيبي يا عمرو
رشيد….ربنا يسعدك ياحودا انت وريهام انتوا الاتنين بجد تستاهلوا كل خير
محمود…..حبيبي يا رشيد المهم بقي انا عايزك في خدمه
رشيد…عيوني
محمود….عايزك تبقي معايا وانا بكلم سلامه و ميدو بصراحه انا مش حاسس اني هعرف اتكلم معاهم لوحدي ولا هتقولي دول صحابي ومش هتدخل
رشيد…بابتسامه لا طبعا معاك شوف امته وانا جاهز لو عايز بكره نقابلهم بليل تمام
محمود….ماشي انا معنديش مشكله نقابلهم
رشيد…خلاص بكره نقعد معاهم و باذن الله نخلص الموضوع علي خير و تحددوا معاد و نفرح بيكم
محمود…..بسعاده تمام
الكل كان مبسوط اوي و كانت قاعده عائليه جميله كلها حب و سعاده واخبار حلوه
…………………
وصلت نعيمه علي البيت و اتصلت بفضل.
فضل….الووو
نعيمه…..انا وصلت البيت خلاص
فضل….وانا في الطريق خلاص
نعيمه….اوك مستنياك
فضل….محتاجه اي حاجه اجيبهالك
نعيمه….بأبتسامه لا سلامتك
فضل…..ماشي مش هتأخر
نعيمه….علي مهلك باي
فضل…..باي
……………………
