لقاء كارثي

نادين….بس مترخميش عليه اوي يا نوني والنبي حرام امبارح خاف عليكي اوي علي فكره لما كوبر هوهو عليكي

ليله…. بابتسامه احييييييييه يا نوني علي النطه اللي نطها من مكانه لما سمعك بتوصتي كنت عايزه اقولوا يلا يا واااااااطي بنتنا في قلبك

نعيمه….بضحك بجد خاف عليا

ليله….اه اقسم بالله اسألي نودي بقولك نط من مكانه

نادين….. بابتسامه بص لرشيد وهو بيجري عليكي بيقولوا الكلب يا رشييييد والله بيحبك بجد

ليله…..وهي بتحبه و عارفه انه بجد بيحبها وخدي بالك انا مبسوطه اوي علي فكره باللي بيحصل ده لاني حاسه ان انتوا الاتنين متغيرين في طريقه حبكم لبعض اصلا

نعيمه…..حتي انا يا ليله ملاحظه ده جدا سواء مني او منه انا عارفه ان من الاول احنا الاتنين بنحب بعض بس ديما كنت اشوف ان فضل بارد و تقيل اول مره احس انه كده

نادين….علي فكره ده طبع فضل بس هو بيحبك

ليله…..هو مش بارد بالعكس بس يمكن المشكله نفسها خلت حبكم يظهر هو كان في حب بس هادي المشكله ولعت في الحب اكتر بقي

نادين….ايوه بس اقصد ان فضل ليه مواقف كتير مع نعيمه متتنسيش يعني يوم ما اتح*رقت وهو عرف اتصل بميدو عشان كان عرف انه عندي و كان مرعوب عليكي و طلب منه يروحلك لحد ماهو يجي و برضوا لما شافك زعلانه عشان الخاتم و عماله تعيطي مفرقش معاه اي حاجه و خاف علي ايدك اقصد يعني ان حبه ظاهر

نعيمه….انا عارفه يا نادين ان فضل بيحبني زي ما انا بحبه و ليه مواقف كتير معايا متتنسيش بس في التوقيت اللي انا كنت فيه مش احسن حاجه حسيت اني شاكه في حبه ده و اني محتاجه ابعد عشان اتأكد من شكي بس لا قدرت ابعد عنه ولا شكي طلع في محله و بمكن علي فكره انا كمان كنت مقصره مع فضل و جدا برضوا كنت بارده بصراحه معاه

ليله….بصي يا نوني من الاخر اللي حصل ده كان في مصلحتكم انتوا الاتنين و اتاكدتوا بنفسكم انكم ماقدروش تستغنوا عن بعض و حبكم ظهر قدام نفسكم و قدام الكل

نعيمه….دي حقيقه بجد

ليله….بس ميدو خطف قلبي امبارح يخربيت عقله بم*وت فيه و اللقطه اللي عملها معاكم خطفت قلبي

نعيمه….بضحك ميدو ده مجرم والله اول مره احس اني مكسوفه امبارح بسبب الي عملوا

نادين….انتوا عارفين ان ميدو بيحب فضل اوي يعني ديما بحس انه قري بمن عشري و من الشباب عموما بس كنت بحس انه اكتر حد بعيد عنه هو فضل بسبب انهم علي طول يناقروا في بعض بس اكتشفت ان ده حب