لقاء كارثي
لقاء كارثي
عشري…..بابتسامه تجنن ايه ممنوع ابصلك
ليله…..لا بسأل عن سبب البصه دي
عشري…..ملهاش سبب بحبك بس
ليله….بضحكه هاديه بصت قدامها طيب بلاش تبصلي
عشري…..ليه بتتكسفي
ليله……بضحكه كسوف بجد بقولك ايه يا بلطجي انت متبصليش وخلاص
عشري….بضحك انتي مكسوفه بجد ولا ايه يا بلطجيه
ليله…..بضحك ايه مش لايق عليا الكسوف
عشري….بالعكس بيبقي شكلك حلو اوي و بحبك وانتي مكسوفه اوي اوي
ليله….بصتلوا وابتسمت بجد
عشري…..بجد
ليله…..بس علي فكره يعني انا مش بتكسف خالص
عشري…..انتي لا بتتكسفي و جدا كمان
ليله …بضحك انااا خالص ده انا بيتقال عني اني وشي مكشوف حتي
عشري….جايز بس يمكن اللي قال كده مدخلش جواكي اللي بتظهريه ديما عكس اللي جوه و اللي انا شوفته اكتر من مره
ليله…بابتسامه حب شوفت ايه بجد انا بتكسف
عشري…..بضحكه تجنن اه والله العظيم و جدا كمان اينعم انتي جريئه قويه صريحه اغلب الاوقات مش بتتكسفي بس في مرات كده بتتكسفي و بيبان عليكي اوي زي يوم فرحنا مثلا لما رجعنا البيت
ابتسمت ليله و اتوترت و بصتلوا بكسوف و جرئه في نفس الوقت
عشري….. بابتسامه اهو اليوم ده تحديدا انا مستحيل انساه
ليله…..اشمعني
عشري….يعني لاسباب كتير اولهم اني كنت مبسوط انك معايا وفي حضني واتجوزنا بجد بس انا متوقعتش خالص ان الليله دي بالذات نكون بالشكل ده
بصت بعيد و هي مبتسمه و بتعض علي شفايفها بتوتر
عشري……بنظره تجنن كنت مبسوط و خايف عليكي و حاسس انك بنتي و كل حاجه بعملها معاكي محسوبه عليا كسوفك و خوفك و توترك كانوا في قلبي يا ليله حسيت اني بشوف ليله جديده غير ليله القويه اللي خطفتني الجريئه والعنيده و اللي دماغها ناشفه
ليله…..بضحكه تجنن و كسوف كنت كيوت صح
عشري…..بضحك اوي بجد و بجد كنت خايف عليكي مني يمكن في اللحظه دي بالذات اتمنيت ليله الجريئه عشان نخربها و متوقعتش في حياتي ان اشوف النسخه دي من ليله و اخاف عليكي كده
ليله…..اشمعني يعني هو مش المفروض اني بنت و طبيعي اكون عامله كده
عشري….اكيد بس يمكن انا عشان عارف ليله كنت فاكر ان قلبك جامد و مبتخافيش و جريئه بس اتفاجئت بيكي بجد ورغم اني كنت حابب ليله الجريئه في اللحظه دي بس ليله الطفله اللي خايفه و مكسوفه عجبتني اكتر
ليله….. بابتسامه تجنن ااااا بصت حواليها بكسوف طيب نطلع بقي
