لقاء كارثي

سلمي….بعيداً بقي عن قلة ادبها في حقنا بس هي معاها حق و الله لولي تعبت بتحاول متخليش واحده فينا تجيب شبه التانيه بصراحه انا لو كنت جيبت انا وايه امبارح كنت هريح دماغي و هدخل اجيب من كل حاجه اتنين زي التوأم

ليله….بنظره صدمه مضحكه اهوووو مقولتش حاجه انا فرقه يابت نجيب بقي لسلامه و حسان نفس اللبس و ينزلوا مع فرقة رضا

قبل ما تضحك نعيمه كانت قفلت بوئها

ليله…..بضحك وحدي الله مش وقت ضحك بس انا هتشل و رحمه امي

ايه….بضحك لولي انا بمو*ت فيكي

ليله…..بضحك اااااه و هتم*وتيني كمان يلا اخلصوا

نادين….بضحك لولي دي لونها حلو

ليله….اللون حلو بس الموديل مش حلو سيبي بدل ما الطم علي وشي

ضحكوا و ماتوا من الضحك

نعيمه….ايه المنظر ده صحيح

نادين…..بضحك اللون عجبني جديد

ليله…..عشان اللون حلو اختار اي حاجه صح امشي يا نادين عشان دقيقه كمان و هسحب سحبه من بتوع عشري في قلب المكان وانا ليا برستيچي هنا

سلمي….بضحك والله ما قادره

ايه…..بضحك انا هعمل بيبي علي نفسي عايزه تويلت

ليله…..اتفرجي ولاد اختي معايا يساويها ربنا نخلص بس علي خير و هطلعوا علي عينكم يلا قدامي

………………..

وقف تامر مع الشاب اللي جايبه يفك الكييفات من شقه نغم وهي مكانتش معاه كانت في الشقه الجديده..

سمع خبط علي الباب راح يشوف مين لمح شاب من اللي بيشتغلوا مع مريم في الوكاله.

تامر…..ايوه

الشاب…..استاذ تامر ست مريم بتقولك ممكن تعدي عليها في الوكاله قبل ما تمشي

تامر….في حاجه ولا ايه انا بس ممكن معرفش لان معايا بتاع التكييفات

الشاب….هي بتقول انها مش هتأخرك
هتقولك كلمتين بسرعه

تامر…..طيب تمام قولها هخلص واعدي عليها

الشاب….تمام بعد اذنك

تامر….اتفضل.

كمل تامر مع بتاع التكييفات و بعد ما خلصوا و نزلوا كل حاجه في العربيه استأذن منه تامر خمس دقايق و راح لمريم.

قرب من الوكاله لمحها قاعده علي المكتب عماله تمضي في ورق و تكتب حجات

تامر……سلام عليكم

مريم….عليكم السلام ازيك يا تامر

تامر…..بخير الحمدلله يا مريم

مريم…..تعالي اتفضل

تامر….انا مش هقدر والله يا مريم لان معايا ناس بره مش عايز اوقفهم بس الشاب اللي بيشتغل معاكي قالي انك عيزاني ضروري

مريم…..طيب تعالي اقعد انا مش هأخرك

قرب تامر قعد علي الكرسي