لقاء كارثي

ليله…..محدش فيكم جاب برمودا خالص

ايه…..انا هروح اختار الوقت

ليله…. تمام سلمي بوحي مع نوني شوفي البجامات الستان دي بتبقي خطيره في اللبس

سلمي….ليه ستان حر خالص

ليله…في تكييف يا اختي مش هنقضيها اقطان احنا انتوا مش عندكم تسلخات

رنه نعيمه الضحكه و ملحقتش ليله تحط ايدها علي بوئها

ليله….يخربيت امككككك يا شيخه بصت علي البنات اللي شغالين في المحل كانوا واقفين يضحكوا ابتسمت غصب عنها معلش شرقت بس ورحمه امي يا نعيمه هقلع اللي في رجلي و هديكي بيه

الاربعه كانوا فطسانين من الضحك

نادين….بضحك يا لولي انتي اللي بتقولي كلام يضحك

ليله….خلاص مش هنطق تاني و انتي اياك تضحكي يلا خلصوني

اختاروا البنات و ليله كانت مركزه معاهم و نعبمه و سلمي ميتين من الضحك عليها

خلصوا و بعدين راحوا علي البجامات الستان بدأوا يختاروا

نعيمه….لولي هو انا ينفع لو عاجبني حاجه اجيبها بالمره

ليله….لاا

نعيمه….بضحك بت اتعدلي مالك مش طيقاني كده ليه

ليله…عشان مش فاهمه يعني ايه بالمره فوق البيعه يعني

نعيمه…لا بس في حجات عجباني

ليله….لا لما نخلص منهم و يجي عليكي الدور هبقي اجي معاكي و مجيب كل اللي يعجبك

نعيمه….طب وليه الوقت لا انا عارفه مقاسي و عارفه ايه اللي ممكن يليق عليا

ليله….عشان متبقوش كوبي بيست من بعض في لبسكم انا بحاول علي قد ما اقدر متبقاش واحده فيهم لبسها شبه التانيه و دي حاجه متعبه جدا المشكله ان التلاته بيشتروا مع بعض و الحاجه اللي نقصاهم او مش عندهم كلهم نفس الحاجه بصي كده علي كل اللي اختاروه بالكتير هتلاقي قطعه او اتنين زي بعض الباقي لا انا بحاول اركز علي شكل جسمهم و بختار الموديل باللون اللي يليق عليهم لكن لو علي اهتيارهم هما هيختاروا زي بعض و لا هيفرق معاهم يا اببببت هتنقط عاملين شبه الفرق الاستعراضيه الي بيلبسوا زي بعض

كانوا واقفين ميتين من الضحك كلهم

ليله….استني شويه الاماكن دي كل كام اسبوع بتغير موديل علي الاقل لما تيجي انتي تشتري تلاقي حجات جديده انما الوقت مهما حاولت اظبط الدنيا في النهايه كل مكان ليه عدد موديلات مش هنقدر نظبطها عليكم انتوا الاربعه فا بالهداوه كده نخلص منهم و لما تيجي انتي تنزلي هجيبلك احلي حاجه نازله تمام

نعيمه….بضحك طيب خلاص