لقاء كارثي
لقاء كارثي
ايمي….بضحك هي مبتسمه بس مش فهمانا صح
ليله…لا فهماكم علي فكره كارين
Do you understand what they’re saying
كارين….yes انا فاهم كويس
ليله….بضحك يا عمري
ايمي….طيب انتي مش بتتعبي من الولاد
نعيمه….بضحك ايمي هي بتسمع علي فكره انتي ايه لغه الاشاره دي
ايمي…..بضحك عايزه اضمن انها فهماني
كارين….بضحكه جميله لا فاهم انا بيتعب اكيد بس هما Kids لازم يكون انا هادي عشان مش يحصل
Hard headed
سلمي….يعني تقصد ميبقوش بيعندوا او دماغهم ناشفه
ايمي….لا بس انتي علي قلبك مراوح حقيقي يا كارين
ضحكوا كلهم علي ايمي
ايمي….انا حاسه اني بنهج من كتر ماهي هاديه انتي كنان كده يا رضوي
رضوي….بضحك لا والله انا هاديه و بتقبل كل اللي بيعملوه فيا و ممكن يتعبوني طول اليوم و لما يناموا افضل اعيط جنبهم او لما عبدالله يطلع اقولوا ولادك تعبوني واعيط
ايمي….بضحك اهي دي هتبقي سلمي ونادين
ضحكت سلمي و نادين عليها
ايمي…..بس مش بتعاقبي
رضوي….بعاقب طبعا
ايمي…ايه نوع العقاب
رضوي….يعني لو بيحبوا حاجه بمنعها سويتس بيتحرموا منه لو وعدتهم بخروجه بكنسل
ايمي….احيه عليا ده اخرك مفيش شبشب بورده بيطير و لااي حاجه جنبك تتحدف
ضحكوا كلهم علي ايمي
رضوي….لا مقدرش بصراحه
ايمي….غمزتلها ايه عبدالله هيروق عليكي ولا ايه
رحاب….علي فكره هو بيقولها زعقي و عاقبي هي اللي مبتقدرش واصلا ولادها صغيرين يعني
ايمي….ماعما الصغيرين دول بيطلع منهم حجات تخليكي تخرجي عن شعورك
نعيمه…طب علي فكره بقي ايمي هتبقي حنينه
ليله….حصل ايمي هتقعد تعيط جنبهم لو عيطوا لو تعبانين هوعيط لو مجننها و تاعبنيها هتعيط ايمي حنينه جدا علي فكره
ايمي….اه بس هلقي ضيق برضوا
ساره…بضحك لا والله بس مش هتقدري
نعيمه….نرمين انتي بتضربي
نرمين….بضحك لا بصراحه مش بضرب و ممكن احدف بحاجه بس انشن بعيد عنهم
ايمي….بتهوشهم يعني
نريمن….بضحك اه مقدرش اضربهم لاني اوقات بكون متعصبه جدا بحس اني لو مسكت حد فيهم هعمل في حاجه
شاهنده….فا بتقعد بقي تصرخ
خديجه…اه دي مجنونه تقف تصرخ في وش العيال لما تقول يا بس بنطلع احنا بقي نجري علي صوتها
سلمي….انتي اصلا عصبيه يا نرمين
نرمين….بصراحه اه و بحاول والله اني اخف عصبيه مبعرفش يعني بجد بيطلعوني عن شعوري و انا اصلا بحس اوقات اني مش بعرف اتعامل مع اطفال خلقي ضيق جدا وموديه بتخنق بسرعه يعني ممكن العب و اضحك معاهم وفي لحظه خلاص بقي كفايه قفلت
