لقاء كارثي

سلمي كانت لابسه فستان صيفي كت و حسان لابس شورت جينز و تيشرت اسود

رشيد كمان كان لابس شوت و تيشرت كت مريح و شبشب في رجله و ايمي لابسه فستان شكلوا يجنن و علي شعرها بندانه شكلها كان قمر

ليله كانت لابسه شيميز ابيض و بنطلون ابيض و كوتش ابيض و كاب ابيض كانت قمر عشري كان لابس شورت جينز و كوتش و تيشرت ابيض

كلهم كانوا يجننوا و شكلهم حلو اوي و مبهج

نجود كانت عامله جو يجنن هي والبنات و نجلاء و زوزو

محمود….بهمس يا بنتي روحي انا جاي الوقت يلا اركبي

ريهام….طيب متزوقش خلاص راحه

محمود ….هقفل البوابه وراهم وبعدين جاي امسكي المفاتيح و شغلي التكييف

……….

تامر…..بهمس زوزو و حماده معاك يعني

احمد….اه محمود هياخد خطيبته و هما لوحدهم

تامر….طيب يركبوا مع رشيد وايمي او امنيه و عمرو بدل ما تسوق كل ده و تتعب تعالي معايا انا ونغم

احمد….الطريق مش طويل اوي واديني بتسلي معاكم يلا عشان الكل يركب براحته

تامر….طيب علي مهلك يا حبيبي

احمد….قول انت لروحك براحه عالطريق

تامر…..حاضر متقلقش

علا كان معاها الناني بتاعتها و جايبه معاها بنتها الصغيره كلهم كانوا فرحانين بيها اوي و عمالين يبوسوا فيها

وبعد وقت بسيط

ركبوا كلهم و الشباب اطمنوا ان الكل ركب و بعدين بدأوا يتحركوا وراء بعض

و الكلام اللي عشري الكبير و حماده و عادل قالوه اتنسي بمجرد ما طلعوا علي الطريق

عدي كان معاه تقي و سليم و نسمه
فضل ونعيمه تامر و نغم كل شاب معاه مراته كانوا ماشيين وراء بعض
كلهم شكلهم يجنن

ايه خدت ميلو معاها و نعيمه مقدرتش تسيب كاندي خدتها هي كمان بالبوكس بتاعها في عربيه فضل

كانوا مبسوطين جدا مشغلين الاغاني علي اخرها متجننين علي الطريق

رشيد رجله اتحسنت كتير بدأ يدوس عليها بعد العمليه كانت تعباه اول يومين بعد كده الوجع خف بس كان خايف يحطها علي الارض خايف يدوس و يتعامل عادي بس بعد كده بدا يتعامل شويه و كان مريحها علي قد ما يقدر عشان لما يلبس شوز في الفرح يقدر يتحرك بيها..

غنوا ورقصوا و اتبسطوا نادين طول الطريق ماسكه في كف ميدو بسعاده و عماله تلعب معاهم علي الطريق بالاسبراي اللي عمالين يغرقوا بيه بعض و ميدو باصصلها و مبسوط

كان في حاله حلوه و تجنن بين كل كابل و التاني

يعني نسمه و سليم علاقتهم كانت من ضمن العلاقات اللي بدأت تظهر كتير و تتغير للاحسن نسمه مع نصايح الكل بدأت تكون مرتاحه اكتر في طريقه التعامل مع سليم قدام الكل حست ان هو كان معاه حق في زعلوا منها هي مش بتعمل اي حاجه غلط ده خطيبها لازم تظهر حبها ليه و اهتمامها لان علاقتها بيه مش علاقه تسبب احراج او تتكسف منها بالعكس هي علاقه جميله وتستحق تكون في النور من غير كسوف او خجل هو عشانها قرر ياخد خطوه و علاقتهم تبقي رسميه فكان لازم هي كمان تحسسوا بأهميه اللي عملوا عشانها و الاهم من كل ده انها لما بدأت تهتم و تظهر حبها كلامها كان الموضوع عادي من ناحيه ابوها و من ناحيه نادر و محدش كان مستغربها فا حست ان ده الطبيعي