لقاء كارثي

نغم….بابتسامه حاسه بس هقولك علي حاجه يا رهف اوقات كتير لازم يكون ليكي حدود في تحقيق الامنيات

رهف….يعني ايه الاماني ملهاش حدود يا نغم احنا بنحلم و بنتمني و بنطمع في ربنا و هو بيحققلنا كل ده

نغم….عارفه بس في حجات مينفعش نبالغ فيها يعني مثلا لو فرضنا كلامك صح و لو فرضنا ان في حاجه جوايا مش هتنفع يا رهف

رهف….وايه اللي مش هينفعها يا نغم انتي جميله اوي و سنك قريب من سنه و فيكي مميزات حلوه كتير

نغم….بس عندي ماضي يخص عيلتي هو عارف عنه كل حاجه يا رهف مش هو بس الكل اوقات يا رهف بندفع تمن حجات ملناش يد فيها اوقات بنشيل شيله مش بتاعتنا و بنتحاسب علي حجات معملنهاش

و اللي هو يعرفوا في حكايتي و عن عيلتي صدقيني حجات مش حلوه يعني لو فرضنا انه معجب مثلا زي ما بتقولي لو جه وقت الجد وفكر في الموضوع اكيد مش هيحب ان البنت اللي يرتبط بيها يكون ليها عيله زي دي اكيد هيفكر الف مره يعني ولاده لما يجوا هيبقي مين اهل امهم حجات كتير اوي يا رهف انتي مش فاهمه حاجه

رهف…بابتسامه هو واضح ان انتي اللي مش فاهمه يا نغم بصي خليني اقولك حاجه او نصيحه خديها قاعده في حياتك اللي ميشوفكيش احسن واحده في الدنيا حتي لو انتي جايه من القاع اوعي عينك تشوفوا اصلا اللي ميستغناش بيكي عن الدنيا ميستاهلكيش يا نغم

انا عارفه ان احنا مجتمع بياخد بالشكليات والمظاهر بس الغبي اللي ياخد حد بذنب حد عيلتك و ماضي عيلتك ومشاكل عيلتك انتي ملكيش ذنب فيها و مينفعش تدفعي تمن غلطاتهم بالعكس انتي لو لاقيتي الشخص اللي قدامك بيحاسبك علي ذنب عيلتك اوعي تفكري فيه وحطيه تحت رجلك الشخص اللي ممكن مع الوقت يعايرك علي حاجه معملتيهاش مينفعش تفضلي معاه ثانيه بصي يا نغم انا علاقتي بالبنات عموما كانت عن طريق عمامي و فضل انا اعرف الشباب صحابهم بس يعني البنات لسه من قريب اعرفهم

اللي جمعني بيهم مناسبات مش اكتر فا مقدرش احكم علي شخصيه تامر ايه وسلمي او بباهم بس من كلامك الناس دي انتي بتقولي كان ليهم دور في حياتك و وقفوا جنبك و قعدتي في بيتهم و فضلوا معاكي لحد ما وقفتي علي رجلك كمان لما اتعرفت عليكي انتي اول مره في فرح محمود يعني لسه من قريب انا اتعرفت عليكي عن طريق ليله علي انك صاحبتهم اختهم الصغيره شريكتهم في الشغل يعني عرفوني عليكي بطريقه تجنن لدرجه اني بجد صدقت و لو انتي مكنتيش قولتي الوقت سبب معرفتك بيهم مكنتش هشك لحظه ان دي حياتك