لقاء كارثي

رهف…هي فين تقي

نسمه….بتاخد شاور و ملاقتهاش لو لقتها كانت قالت احسن تكون وقعت منها واحنا تحت في اللوبي

رهف….مش عارفه والله بس هي زعلانه اوي واضح انها غاليه وذكري من مامتها

نسمه….اكيد طبعا بس يارب تلاقيها حرام دي هتزعل اوي لو ضاعت

رهف….طيب شوفيها كده لو لقتيها عرفيني وانا هروح ادور معاها تاني

نسمه…طيب اوك لو لقتوها عرفيني برضوا

رهف…..اوك

خرجت رهف و راحتلها كانت عماله تدور و في كل مكان و تلف في الاوضه و هي بتفتكر امته اخر مره كانت في رقبتها مكانتش عارفه

رهف….نغم نسمه مشافتهاش و تقي بتاخد شاور بس هي قالتلي هتدور

نغم…..انا مش لقياها و معرفش ممكن تكون راحت فين

رهف….. طيب اهدي اكيد هنلاقيها ان شاء الله

نغم….انا هنزل اشوفها تحت

رهف….طيب استني هاجي معاكي

خرجت نغم علي بره و رهف خرجت وراها لصوا في الطرقه كلها مكان مكانوا القفين وهما الشباب بيسكنوهم ملاقوش حاجه نزلوا في الاسانيير و بعدين راحوا علي اللوبي يدوروا مكان مكانوا قاعديين مفيش حاجه

رهف…..استني هروح اسال في الريسيبشن يمكن يكون حد لقاها وسلمها

نغم….طيب اوك انا هبص بره

عشري و نادر و فضل كانوا نازلين مع بعض لمح عشري رهف قربوا منها بهدوء

بصت رهف علي نادر بطرف عينها كده

عشري…..رهف ايش تسوي

فضل….صاير شي معك

رهف..ااا لا لا مفيش بس انا مع نغم وهي سلسلتها مش لقياها و كنت بسأل في الريسيبشن يمكن حد لقاها

نادر…..دهب يعني

بصتلوا بابتسامه بسيطه

رهف..ااا اه هي المشكله ان هي ذكري من مامتها

عشري….فينها نغم

رهف…هي خرجت تشوفها بره

فضل….زين ايش حكالك موظف الريسيبشن

رهف….هو قال مفيش حد سلموا حاجه بس لو حد لقاها اكيد هيسلمها

عشري…..طيب مش في الغرفه

رهف….لا شوفنا مفيش وروحت سالت نسمه عشان كنا معاها هي وتقي مفيش حاجه برضوا و دورنا في كل مكان قبل ما ندخل الغرف

عشري….طيب وينها

رهف….بره

عشري…..طيب تعالي

رحوا علي بره مع رهف لمحوا نغم واقفه تبص في الارض زي اللي تايهه

عشري….نغم نغم تعالي

قربت منهم نغم و هي باين عليها الحزن بشكل فظيع

عشري…..ايش صاير معك

نغم…..بهدوء دموعها نزلت مش لاقيه سلسله ماما

فضل….طيب لا تبكي هدي بنلاقيها

عشري…..اهدي انتي متأكده انك جايه بيها

نغم….بدموع ايوه انا مش بقلعها خالص